Օգտագործո՞ւմ ես վերջին էջը
Երբ մարդիկ իրենց ձեռքն են վերցնում որևէ պարբերագիր, սովորաբար նայում են շապիկին, հետո մեխանիկորեն հայացք են գցում վերջին էջին։ «Դիտարան» պարբերագրի վերջին էջում նշված են հարցեր և մտքեր, որոնք կարող են ընթերցողի հետաքրքրությունը շարժել։ Դրանց կողքին նշված թվերը ցույց են տալիս այն էջերը, որտեղ ընթերցողը կարող է մանրամասն տեղեկություններ ստանալ իրեն հետաքրքրած հարցի կամ մտքի վերաբերյալ։
Վերջին էջում գրված հարցերը կամ մտքերը կարող են մեզ հուշել, թե ինչ հարցով կարող ենք սկսել զրույցը։ Եթե հաճախ ենք տարածքը մշակում, օգտագործելով տարբեր հարցեր՝ ամսվա ընթացքում կարող ենք փոփոխել մատուցումը։ Եթե տանտերը զբաղված է, կարող ենք մատուցումը կարճ ներկայացնել՝ ցույց տալով վերջին էջի հարցերից մեկը և ասելով. «Եթե ցանկանում եք իմանալ պատասխանը, կարող եմ ձեզ մոտ թողնել այս պարբերագրերը, իսկ երբ ժամանակ ունենաք, կարող ենք զրուցել այդ հարցի շուրջ»։ Որոշ քարոզիչներ գուցե ցանկանան զրույց սկսել՝ ցույց տալով տանտիրոջը վերջին էջը և առաջարկելով ընտրել հետաքրքրող հարցերից մեկը։ Հետո կարելի է ցույց տալ պատասխանը ու ընթերցել նախապես ընտրված աստվածաշնչային համարը։ Ի լրումն այս առաջարկների՝ դու ինքդ կարող ես մտածել, թե ինչպես «Դիտարանի» վերջին էջի միջոցով մարդկանց մեջ հետաքրքրություն առաջացնել բարի լուրի հանդեպ։