«Առաջարկիր նախորդ պարբերագրերից որևէ մեկը կամ մի գրքույկ, որը թերևս կհետաքրքրի անհատին»
Այն ամիսների ընթացքում, երբ մենք առաջարկում ենք «Աստվածաշունչը սովորեցնում է» գիրքը, ինչպես նաև առաջին այցելության ժամանակ Աստվածաշնչի ուսումնասիրություն, խորհուրդ է տրվում առաջարկել նախորդ պարբերագրերից որևէ մեկը կամ մի գրքույկ, որը թերևս կհետաքրքրի անհատին այն դեպքում, եթե տանտերն արդեն ունի այս գիրքը և չի ցանկանում Աստվածաշունչ ուսումնասիրել։ Ինչո՞ւ։
Գրքույկները և հին պարբերագրերը պարունակում են տարբեր թեմաներով ժամանակահարմար նյութեր։ Հնարավոր է՝ այդ հրատարակությունների մեջ որևէ միտք հասնի անհատի սրտին։ Ուստի երբ պատրաստում ես քո ծառայության պայուսակը, նաև մի քանի տարբեր գրքույկներ և հին պարբերագրեր դիր դրա մեջ։ Եթե չունես հին պարբերագրեր, կարող ես վերցնել գրականության սեղանից։ Եթե տանտերը արդեն ունի «Աստվածաշունչը սովորեցնում է» գիրքը և չի ուզում Աստվածաշունչ ուսումնասիրել, կարող ես ցույց տալ նրան այդ պարբերագրերից ու գրքույկներից մի քանիսը և առաջարկել վերցնել այն, ինչ կհետաքրքրի վերջինիս։ Այնուհետև ծրագրիր վերադառնալ ու զարգացնել նրա հետաքրքրությունը։ Թերևս քեզ մի օր կհաջողվի Աստվածաշնչի ուսումնասիրություն սկսել։