«Եհովայի վկաներ. կենդանի հավատ, մաս 2. թող լույսը ծագի»
1919թ.-ին եղբայր Ռադերֆորդը և նրա ընկերները ազատ արձակվեցին բանտից. Աստվածաշունչ ուսումնասիրողները մեծ ծավալի աշխատանք ունեին անելու։ Ինչպես պատկերվում է «Եհովայի վկաներ. կենդանի հավատ, մաս 2. թող լույսը ծագի» ֆիլմում, Աստվածաշունչ ուսումնասիրողները շատ հակառակորդներ էին ունենալու, նրանց հասկացողությունը Սուրբ Գրքի վերաբերյալ խորանալու էր, և նրանց հավատը զտվելու էր (Առակ. 4։18; Մաղ. 3։1–3; Հովհ. 15։20)։ Ֆիլմը դիտելուց հետո փորձիր պատասխանել հետևյալ հարցերին։
1) Ի՞նչ մեթոդներով են Աստվածաշունչ ուսումնասիրողները տարածել բարի լուրը։ 2) Ինչո՞վ էին ուշագրավ 1931թ.-ին և 1935 թ.-ին տեղի ունեցած համաժողովները։ 3) Ինչո՞վ էր հիշարժան «Դիտարանի» 1939թ. նոյեմբերի 1-ի համարը։ 4) Ի՞նչ տեղի ունեցավ «Մեդիսոն սքվեյր գարդեն» համալիրում եղբայր Ռադերֆորդի «Կառավարություն և խաղաղություն» ելույթի ընթացքում։ 5) Եղբայր Նորի «Խաղաղություն. կարո՞ղ է այն հարատև լինել» ելույթը ինչո՞վ էր ուշագրավ։ 6) 1942թ.-ին ի՞նչ քայլեր ձեռնարկեցին Եհովայի վկաները՝ քարոզչական գործը ընդլայնելու նպատակով։ 7) Իրավաբանական ի՞նչ պայքար տեղի ունեցավ ԱՄՆ-ում, Կանադայում և Հունաստանում։ 8) Ինչպե՞ս «Գաղաադ» դպրոցը նպաստեց քարոզչական գործի ընդլայնմանը։ 9) Ի՞նչ կարևոր գործ սկսվեց 1946թ.-ին և ինչո՞ւ։ 10) Ի՞նչ քայլեր ձեռնարկեցին Եհովայի վկաները՝ հավաստիանալու համար, որ իրենց վարքը ներդաշնակ է աստվածաշնչյան չափանիշներին։ 11) Ի՞նչ փոփոխություններ արվեցին 1970-ականներին, որպեսզի կազմակերպությունը ավելի շատ համապատասխանի Աստվածաշնչին։ 12) Այս ֆիլմը ինչպե՞ս է խորացնում քո երախտագիտությունը այն բանի հանդեպ, որ Եհովան լիովին տիրապետում է դեպքերի ընթացքին և որ Եհովայի վկաների կազմակերպությունը Աստծու կազմակերպությունն է։ 13) Այս ֆիլմն ինչպե՞ս է լցնում քեզ է՛լ ավելի մեծ վճռականությամբ շարունակելու եռանդորեն քարոզել բարի լուրը՝ չնայած խոչընդոտներին։ 14) Ինչպե՞ս կարող ենք այս ֆիլմի միջոցով օգնել մեր հարազատներին, Աստվածաշունչ ուսումնասիրողներին և ուրիշներին։
Յուրաքանչյուր օր նոր էջ է ավելանում Եհովայի վկաների պատմությանը։ Ի՞նչ կգրվի այդ էջերում մեր կատարած ծառայության մասին։ Եկեք անցած ժամանակների մեր եղբայրների և քույրերի պես եռանդորեն այնպես անենք, որ լույսը շարունակի ծագել (2 Կորնթ. 4։6)։