Մեր պաշտոնական կայքը. ընտանեկան և անձնական ուսումնասիրության համար

Վերջին ամսագրերը՝ օնլայն։ Նախքան «Դիտարան» և «Արթնացե՛ք» ամսագրերը ժողովներում տպագիր տեսքով ստանալը դրանք մի քանի շաբաթ առաջ արդեն տեղադրված են լինում մեր կայքում, և կարող ենք կարդալ։ Կարող ենք նաև լսել ամսագրերի ձայնագրությունները (տե՛ս «Հրատարակություններ/Ամսագրեր»)։

Որոշ նյութեր առկա են միայն կայքում։ «Պատանի ընթերցողների համար», «Իմ դասը Աստվածաշնչից», «Երիտասարդները հարցնում են» խորագրերը այժմ կլինեն միայն www.pr418.com կայքում։ Այս խորագրերի նյութը կարող ես օգտագործել անձնական կամ ընտանեկան ուսումնասիրության ժամանակ (տե՛ս «Աստվածաշնչյան ուսմունքներ/Երեխաներ» կամ «Աստվածաշնչյան ուսմունքներ/Պատանիներ»)։

Իմացիր վերջին նորությունները։ Կայքում կան քաջալերիչ տեղեկություններ և տեսահոլովակներ, որոնք պատմում են ամբողջ աշխարհում Թագավորության գործի առաջընթացի մասին։ Լինում են նաև տեղեկություններ աղետների և հալածանքի մասին։ Իմանալով այդ տեղեկությունները՝ կարող ենք մեր հավատակիցների համար ավելի կոնկրետ աղոթքներ անել (Հակ. 5։16) (տե՛ս «Նորություններ»)։

Հետազոտություններ արա՝ օգտվելով «Օնլայն գրադարանից»։ Եթե «Օնլայն գրադարանը» առկա է քո լեզվով, կարող ես օնլայն կարդալ օրվա խոսքը կամ հետազոտություններ անել վերջին հրատարակությունների միջոցով (տե՛ս «Հրատարակություններ/Օնլայն գրադարան» կամ մուտքագրիր wol.jw.org հասցեն)։

[գծագիր 4-րդ էջի վրա]

(Ամբողջական տեքստի համար տե՛ս հրատարակությունը)

Փորձիր այսպես

1 Սեղմիր նկարը կամ էլ «Բեռնիր» հղումը։ Նկարը կբացվի PDF ձևաչափով։ Տպիր այն և տուր երեխայիդ, որ լրացնի այն ու սովորի։

2 Տեսանյութը դիտելու համար սեղմիր պատկերի վրա։