Օգտակար հոդվածներ մեր ծառայության համար
1. Ի՞նչ նպատակներ ունեն «Զրույց հետաքրքիր թեմայի շուրջ» խորագրի հոդվածները։
1 Ժամանակ առ ժամանակ ընթերցողների լայն շրջանի համար նախատեսված «Դիտարանում» տպագրվում են հոդվածներ «Զրույց հետաքրքիր թեմայի շուրջ» խորագրի ներքո։ Այս հոդվածները ունեն երկու նպատակ՝ աստվածաշնչյան ուսմունքները ներկայացնել գրավիչ ձևով և ցույց տալ, թե ինչպես կարող են նրբանկատորեն տրամաբանել որոշակի թեմայի շուրջ (1 Պետ. 3։15)։ Ինչպե՞ս կարող ենք օգուտ քաղել այս հոդվածներից։
2. Ինչպե՞ս կարող ենք խորագրի հոդվածները օգտագործել ծառայության ժամանակ։
2 Օգտագործիր ծառայության մեջ։ Հետդ լրացուցիչ ունեցիր այն «Դիտարաններից», որոնցում կա «Զրույց հետաքրքիր թեմայի շուրջ» խորագրի հոդվածներ։ Երբ բնակիչը, հետաքրքրվողը կամ Աստվածաշունչ ուսումնասիրողը հարց է տալիս կամ առարկում է, և այդ թեմայով կա հոդված այս խորագրի ներքո, տուր նրան մի օրինակ և առաջարկիր միասին քննարկել։ Եթե չունես տվյալ «Դիտարանից», գուցե կարողանաս անհրաժեշտ հոդվածը բեռնել jw.org կայքից։
3. Ինչպե՞ս կարող ենք քննարկել խորագրի հոդվածները բնակչի հետ։
3 Ինչպե՞ս կարող ես քննարկել այս հոդվածները մարդու հետ։ Որոշ քարոզիչներ առաջարկում են բարձրաձայն կարդալ զրուցակցի խոսքերը, իսկ իրենք կարդում են Վկայի խոսքերը։ Քննարկման այս եղանակը կարող է արդյունավետ լինել, որովհետև այն հնարավորություն է տալիս մարդուն ծանոթանալու մեր համոզմունքներին այնպես, որ նա իրեն անհարմար չզգա (2 Օրենք 32։2)։
4. Ինչպե՞ս կարող ենք հմտանալ ծառայության մեջ այս հոդվածների միջոցով։
4 Սովորիր և սովորեցրու։ Հոդվածները կարդալիս ուշադրություն դարձրու սուրբգրային համարներին, օրինակներին և տրամաբանական շղթային։ Ուշադրություն դարձրու նաև, թե ինչ տոնով է գրված նյութը։ Հետո փորձիր նման ձևով տրամաբանել ծառայության ժամանակ (Առակ. 1։5; 9։9)։ Մի քույր ասում է. «Երբ կարդում եմ այս հոդվածները, կարծես սովորում եմ մի «կատարյալ» ռահվիրայից, ով միշտ գիտի ճիշտ պատասխան տալ»։
5. Ինչպե՞ս կարող ենք ուսումնասիրողին պատրաստել ծառայությանը։
5 Այս հոդվածների միջոցով Աստվածաշունչ ուսումնասիրողին կարող ես պատրաստել ծառայությանը։ Միասին կարդացեք նյութը, և թող քարոզչի դերը կարդա ուսումնասիրողը։ Այսպես նա կարող է սովորել նրբանկատորեն խոսել իր հավատալիքների մասին (Կող. 4։6)։ Այս խորագիրը այն բազմաթիվ միջոցներից մեկն է, որով Եհովան օգնում է մեզ «ամբողջովին» կատարելու մեր ծառայությունը (2 Տիմոթ. 4։5)։