Կօգտվե՞ս հնարավորությունից
Հիշատակի երեկո. երախտագիտություն դրսևորելու առիթ
1. Ի՞նչ հնարավորություն է ընձեռում Հիշատակի երեկոն։
1 Հիշատակի երեկոն, որը տեղի կունենա ապրիլի 14-ին, լավ առիթ է զարգացնելու և դրսևորելու երախտագիտություն Եհովայի բարության հանդեպ։ Ղուկաս 17։11–18-ում գրի առնված խոսքերը ցույց են տալիս, թե ինչպես են Եհովան և Հիսուսը վերաբերվում երախտագիտություն ցույց տալուն։ Ցավոք, տասը բորոտներից միայն մեկը արտահայտեց իր երախտագիտությունը։ Ապագայում Եհովայի տված նվերը՝ փրկանքը, լիովին կբուժի ամեն տեսակ հիվանդություններ, ինչի արդյունքում հավիտենական կյանքը իրական կդառնա։ Անկասկած, այն ժամանակ մենք ամեն օր շնորհակալություն կհայտնենք Եհովային այդ օրհնությունների համար։ Ինչպե՞ս կարող ենք ցույց տալ մեր երախտագիտությունը գալիք շաբաթների ընթացքում։
2. Ինչպե՞ս կարող ենք երախտագիտություն զարգացնել փրկանքի հանդեպ։
2 Երախտագիտություն զարգացրու։ Երախտագիտության զգացումը բխում է մտքից։ Փրկանքի հանդեպ մեր գնահատանքը զարգացնելու համար կարող ենք օգտվել Հիշատակի երեկոյի ընթերցանության գրաֆիկից, որը առկա է 2014 թ. «Եհովայի վկաների օրացույցում» և «Աստվածաշունչը քննենք ամեն օր» գրքույկում։ Կարելի է ընտանիքով քննարկել աստվածաշնչյան համարները։ Այդպես անելը կմեծացնի մեր գնահատանքը փրկանքի հանդեպ։ Դա էլ իր հերթին դրական ազդեցություն կունենա մեր վարվելակերպի վրա (2 Կորնթ. 5։14, 15; 1 Հովհ. 4։11)։
3. Ինչպե՞ս կարող ենք ցույց տալ մեր երախտագիտությունը Հիշատակի երեկոյի շրջանում։
3 Ցույց տուր երախտագիտությունդ։ Երախտագիտությունը դրսևորվում է գործերով (Կող. 3։15)։ Երախտագետ բորոտը ջանքեր թափեց, որ գտնի Հիսուսին ու շնորհակալություն ասի նրան։ Անկասկած, նա նաև ոգևորությամբ պատմեց ուրիշներին, որ ինքը հրաշքով բուժվել է (Ղուկ. 6։45)։ Փրկանքի հանդեպ երախտագիտությունը կմղի՞ մեզ եռանդորեն մասնակցելու Հիշատակի երեկոյի քարոզարշավին։ Հիշատակի երեկոյի շրջանում ենթառահվիրայություն անելով կամ ավելի շատ ծառայելով՝ նույնպես կարող ենք արտահայտել մեր երախտագիտությունը։ Իսկ Երեկոյի ժամանակ երախտագիտությամբ լցված մեր սիրտը կմղի մեզ ողջունելու այցելուներին և անհրաժեշտության դեպքում պատասխանելու նրանց հարցերին։
4. Ի՞նչ կարող ենք անել, որպեսզի Հիշատակի երեկոյից հետո ափսոսալու պատճառ չունենանք։
4 Արդյոք սա վերջի՞ն Հիշատակի երեկոն է (1 Կորնթ. 11։26)։ Չգիտենք։ Բայց հաստատ գիտենք, որ երբ այն անցնի, երախտագիտություն ցույց տալու հնարավորությունն էլ կանցնի։ Կօգտվե՞ս հնարավորությունից։ Թող որ երախտագիտությամբ լի մեր բերանի խոսքերը և մեր սրտի խորհրդածությունը հաճելի լինեն Եհովային՝ փրկանք Տվողին (Սաղ. 19։14)։