Օգտագործիր մեր վեբ կայքը ծառայության ժամանակ. «Աստվածաշնչյան հարցեր ու պատասխաններ»

Մեր կայքում «Աստվածաշնչյան ուսմունքներ» բաժինը ունի մի ենթաբաժին, որը կոչվում է «Աստվածաշնչյան հարցեր ու պատասխաններ»։ Եթե ծանոթանանք մարդկանց կողմից հաճախ տրվող հարցերին, ապա կկարողանանք հետաքրքրվող անհատների ուշադրությունը հրավիրել մեր վեբ կայքի վրա՝ նշելով, որ այնտեղ նրանք կգտնեն իրենց հարցերի պատասխանները՝ հիմնված Աստվածաշնչի վրա։ Այս հարցերի օգնությամբ կարող ենք նաև ծառայության ժամանակ զրույց սկսել։ Կարելի է ընտրել այնպիսի հարց, որը կհետաքրքրի մեր տարածքի մարդկանց, նրանց կարծիքը հարցնել և հետո հայտնել, թե ինչ է ասում այդ մասին Աստվածաշունչը՝ օգտվելով մեր կայքում բերված բացատրությունից կամ հիմնավորումից։ Այնուհետև կարող ենք բացատրել կամ ցույց տալ անհատին, թե որտեղից գտանք այդ տեղեկությունը։ Մեկ այլ տարբերակ է առաջարկել, որ նա կարդա պատասխանը անմիջապես վեբ կայքից։ Մի շրջանային վերակացուի կին հաջողության է հասնում, երբ ասում է. «Շատերը հարցնում են՝ Աստվա՞ծ է մեղավոր մեր տառապանքների համար։ Կուզեի՞ք իմանալ այս հարցի պատասխանը ընդամենը 51 վայրկյանում»։ Հետո նա միացնում է այս հարցի վերաբերյալ կայքում բերված պատասխանի ձայնային տարբերակը, որ ներբեռնել է իր սարքավորման մեջ։ Վերջում զրուցակցի ուշադրությունը հրավիրում է «Աստվածաշունչը սովորեցնում է» գրքի 11-րդ գլխի վրա։