Կընդօրինակե՞ս Եհովայի ու Հիսուսի նախանձախնդրությունը Հիշատակի երեկոյի շրջանում
1. Ի՞նչ ջանքեր են ներդնում քարոզիչները հատկապես Հիշատակի երեկոյի շրջանում։
1 Եհովան իրականացնում է իր նպատակը նախանձախնդրությամբ։ Անդրադառնալով Աստծու Թագավորության որոշ օրհնություններին՝ Եսայիա 9։7-ն ասում է. «Զորքերի Տեր Եհովայի նախանձախնդրությունը կանի դա»։ Իր երկրային ծառայության ընթացքում Աստծու Որդին նույնպես նախանձախնդիր էր ճշմարիտ երկրպագության հանդեպ (Հովհ. 2։13–17; 4։34)։ Ընդօրինակելով Եհովայի և Հիսուսի նախանձախնդրությունը՝ ամեն տարի՝ Հիշատակի երեկոյի շրջանում, միլիոնավոր քարոզիչներ ամբողջ աշխարհում հատուկ ջանքեր են ներդնում իրենց ծառայությունը ընդլայնելու համար։ Իսկ դու կլինե՞ս նրանցից մեկը։
2. Ինչի՞ կմղի մեզ նախանձախնդրությունը։
2 Հիշատակի երեկոյի քարոզարշավ։ Այս տարի Հիշատակի երեկոյի քարոզարշավը կսկսվի մարտի 7-ից։ Այսօրվանից արդեն ծրագրիր մասնակցել ծառայությանը նախանձախնդրությամբ։ Ժողովներում մեծ ոգևորություն կտիրի, քանի որ քարոզիչները խանդավառությամբ կփորձեն ժողովի տարածքում հնարավորինս շատերին հրավիրել։ Ամեն ջանք թափիր, որպեսզի հրավիրես նրանց, ում հետ Աստվածաշունչ ես ուսումնասիրում, ում վերայցելում ես, աշխատակիցներիդ, բարեկամներիդ, դասընկերներիդ՝ տալով նրանց հրավիրատոմս կամ օգտագործելով jw.org կայքը։
3. Ինչպե՞ս կարող ենք ընդլայնել մեր ծառայությունը մարտ և ապրիլ ամիսներին։
3 Ենթառահվիրայություն։ Նախանձախնդրությունը կմղի մեզ ընդլայնել մեր ծառայությունը։ Անկասկած, շատերը կկարողանան ենթառահվիրա ծառայել մարտ և ապրիլ ամիսներին, քանի որ հնարավոր կլինի ենթառահվիրայություն անել 30 ժամով։ Ձեր ընտանեկան երկրպագության կամ անձնական ուսումնասիրության ժամանակ մտածեք, թե ինչպես կարող եք ավելի շատ մասնակցել ծառայությանը և աղոթեք այդ մասին (Առակ. 15։22)։ Քարոզարշավի հանդեպ քո նախանձախնդրությունը կարող է փոխանցվել նաև ուրիշներին։ Եթե ավելին անելու համար փոփոխություններ անես, ապա ընդօրինակած կլինես Հիսուսին (Մարկ. 6։31–34)։
4. Որո՞նք են Եհովայի ու Հիսուսի նախանձախնդրությունն ընդօրինակելու արդյունքները։
4 Հատկապես Հիշատակի երեկոյի շրջանում Եհովայի ու Հիսուսի նախանձախնդրությունն ընդօրինակելը առատ արդյունքներ կբերի։ Շատ-շատերը վկայություն կստանան։ Մենք կզգանք այն ուրախությունն ու գոհունակությունը, որը պատճառում է «տալը» և Եհովային ծառայելը (Գործ. 20։35)։ Իսկ ամենակարևորը՝ կուրախացնենք մեր նախանձախնդիր Աստծուն և նրա Որդուն։