ԱՊՐԵՆՔ ՈՐՊԵՍ ՔՐԻՍՏՈՆՅԱ
«Վայելիր կյանքը հավիտյան» գրքի առանձնահատկությունները
Քեզ դուր գալի՞ս են «Վայելիր կյանքը հավիտյան» գրքի տեսանյութերն ու տեսակետ բացահայտող հարցերը։ Իսկ «Ոմանք ասում են», «Նպատակ դիր» և «Բացահայտիր ավելին» բաժիննե՞րը։ Քո կարծիքով՝ Աստվածաշնչի ուսումնասիրություն անցկացնելիս գրքի ուրիշ ո՞ր առանձնահատկությունները կարող են օգտակար լինել (Մթ 28։19, 20)։
Հղումներ։ Եթե նախընտրում ես Աստվածաշնչի ուսումնասիրություն անցկացնել գրքի տպագիր տարբերակով, որտե՞ղ կարող ես գտնել բոլոր տեսանյութերն ու հոդվածները։ Գրքի թվային տարբերակում ընտրիր 4 մասերից մեկը։ Դասերի վերնագրերի ցանկի ներքևում կարող ես գտնել տվյալ մասի բոլոր հղումները (տես նկար 1)։
«Տպված հրատարակություն» ֆունկցիան։ Եթե ուսումնասիրության ժամանակ էլեկտրոնային սարքից ես օգտվում, գուցե ցանկանաս երբեմն «Տպված հրատարակություն» ֆունկցիան կիրառել։ Դա կարող ես անել՝ բացելով դասի էջի վերևի աջ անկյունի մենյուն (երեք կետը) և ընտրելով «Տպված հրատարակություն» ֆունկցիան։ Սա կօգնի, որ հստակ տեսնես քննարկվող հատվածի և դասի գլխավոր թեմայի կապը։ Որպեսզի վերադառնաք թվային տարբերակին, կրկին բացեք մենյուն և ընտրեք «Թվային հրատարակություն» ֆունկցիան։
«Պատրա՞ստ եմ»։ Գրքի վերջին մասում գտնվող այս շրջանակներում նշված են ժողովի հետ քարոզելու և մկրտվելու հիմնական պահանջները (տես նկար 2)։
Հավելյալ տեղեկություն։ Սրանք որոշ կարևոր թեմաների վերաբերյալ բացատրական տեղեկություններ են պարունակում։ Գրքի թվային տարբերակում յուրաքանչյուր հավելյալ տեղեկության ներքևում հղում կա, որը ձեզ կտանի դասի այն մասը, որտեղ կանգ էիք առել (տես նկար 2)։
Աստվածաշնչի առաջադիմող ուսումնասիրողի հետ մինչև վերջ ուսումնասիրիր «Վայելիր կյանքը հավիտյան» գիրքը, նույնիսկ եթե նա արդեն մկրտվել է։ Այդ դեպքում ևս ուսումնասիրությունը և դրան հատկացված ժամաքանակը, ինչպես նաև վերայցելությունները անհրաժեշտ է գրանցել հաշվետվության մեջ։ Եթե քեզ հետ համագործակցում է մեկ այլ քարոզիչ և մասնակցում է ուսումնասիրությանը, նա նույնպես կարող է հաշվետվության մեջ նշել ժամաքանակը։