Հետևիր Աստվածաշնչի ամենօրյա ընթերցանության գրաֆիկիդ

Առօրյա գործերի հետ մեկտեղ դժվարանո՞ւմ ես հետևել Աստծու Խոսքի ամենօրյա ընթերցանության քո գրաֆիկին (Հեսու 1։8)։ Եթե այո, ապա հետևյալ առաջարկները կարող են օգնել քեզ։

• Ամենօրյա հիշեցումներ դիր։ Էլեկտրոնային սարքիդ մեջ հիշեցումներ դիր, որոնք կհուշեն քեզ կարդալ Աստվածաշունչը։

• Աստվածաշունչդ երևացող տեղում դիր։ Եթե օգտվում ես տպագիր Աստվածաշնչից, այն դիր այնպիսի տեղում, որ միշտ աչքիդ առաջ լինի (2 Օրենք 11։18)։

• Լսիր ձայնագրությունները։ Դրանք կարող ես լսել առօրյա գործեր անելիս։ Թարա անունով մի ռահվիրա քույր, ով երեխաներ ունի և գիշերային հերթափոխով է աշխատում, ասում է. «Առօրյա գործեր անելիս Աստվածաշնչի ձայնագրությունը լսելը օգնում է հետ չընկնել ընթերցանության գրաֆիկից»։

• Հետևողական եղիր։ Եթե չնախատեսված բաների պատճառով չես հասցնում ընթերցել այդ օրվա համար նախատեսված հատվածը, նախքան քնելը մի քանի համար կարդա։ Ամեն օր եթե անգամ փոքր քայլեր անես, կարող ես երկար ճանապարհ գնալ (1 Պետ. 2։2)։