Կոռումպացված քաղաքական գործիչներ. ի՞նչ է անելու Աստծու Թագավորությունը

Մարդիկ փափագում են ունենալ վստահելի ղեկավարներ։ Նրանք հոգնել են կոռումպացված քաղաքական գործիչներից։ 2023 թ.-ին իրականացված մի համաշխարհային հարցման արդյունքում պարզ դարձավ, որ կառավարությունների ղեկավարները մարդկանց այն խումբն են, որին հասարակությունը ամենաքիչն է վստահում։a

Աստվածաշունչը նկարագրում է մի իշխանություն, որի առաջնորդը լիովին վստահարժան է, ազնիվ և զերծ՝ կոռուպցիայից։ Այդ կառավարությունը Աստծու Թագավորությունն է, իսկ դրա ղեկավարը՝ Հիսուս Քրիստոսը (Եսայիա 9։7)։

Հիսուսը իր գործերով փաստել է, որ անկեղծորեն հետաքրքրված է մարդկանցով (Մատթեոս 9։35, 36)։ Որպես Աստծու Թագավորության թագավոր՝ նա արդարություն և խաղաղություն կապահովի բոլոր նրանց համար, ովքեր կընդունեն իր իշխանությունը (Սաղմոս 72։12-14)։