Վստահության անկում՝ քաղաքական գործիչների հանդեպ։ Ի՞նչ է ասում Աստվածաշունչը

2024 թվականին աշխարհով մեկ ռեկորդային թվով ընտրություններ են ընթանալու։ Այդուհանդերձ, մարդիկ կորցնում են իրենց վստահությունը քաղաքական գործիչների հանդեպ։

• ԱՄՆ-ում հարցում անցած քաղաքացիների մեծ մասն ասում է, որ «քաղաքական գործիչների ճնշող մեծամասնությունը շարժվում է՝ անձնական շահերից ելնելով», ոչ թե հասարակությանը ծառայելու ցանկությունից մղվածa («Փյու» հետազոտական կենտրոն, սեպտեմբերի 19, 2023)։

Շատ պատանիներ նույնպես վարանում են վստահել քաղաքական գործիչներին։

• «Պատանիներն այսօր խնդիրների կառուցողական լուծումներ են փնտրում, բայց հարցումների ժամանակ ասում են, որ քաղաքական գործիչները հեռու են նման մոտեցումից» (The New York Times, հունվարի 29, 2024)։

• «Համաձայն մի հարցման՝ պատանիները յութուբերներին ավելի շատ են վստահում, քան քաղաքական գործիչներին» (The Korea Times, հունվարի 22, 2024)։

Արժե՞ հույս դնել քաղաքական գործիչների վրա՝ լավ ապագայի ակնկալիքներ ունենալով։ Ո՞ւմ կարելի է վստահել։

Ո՞ւմ եք վստահում

Մարդիկ պետք է զգույշ լինեն, թե ում են վստահում։ Աստվածաշնչում ասվում է, որ «անփորձը հավատում է ամեն խոսքի, բայց խորագետը կշռադատում է իր քայլերը» (Առակներ 14։15)։

• Վերլուծելու համար, թե արդյոք ձեզ հասած տեղեկությունները ստույգ են, կարող եք օգտվել «Զգույշ եղիր ապատեղեկատվությունից» հոդվածում տեղ գտած առաջարկներից։

Դեռ ավելին՝ անգամ ամենաազնիվ և լավ մղումներ ունեցող քաղաքական գործիչները սահմանափակ են իրենց գործողություններում։ Հենց այդ պատճառով էլ Աստվածաշունչը զգուշացնում է.

• «Մի՛ ապավինեք իշխանավորներին, մարդու որդուն, որի մոտ փրկություն չկա» (Սաղմոս 146։3)։

Ղեկավար, ում կարող եք վստահել

Աստվածաշնչում ասվում է, որ Աստված նշանակել է մի առաջնորդի, ով ամենաշնորհալին է ու ամենավստահելին՝ Հիսուս Քրիստոսին (Ղուկաս 1։32, 33)։ Հիսուսը Աստծու Թագավորության Թագավորն է, որը երկնքից իշխող կառավարություն է (Մատթեոս 6։10)։

• Իմացեք, թե ինչու կարող եք վստահել Հիսուսին, ու թե նա ինչ է անելու մեր խնդիրները լուծելու համար։ Ընթերցեք «Ով է լինելու Աստծու Թագավորության թագավորը» և «Ինչ է անելու Աստծու Թագավորությունը» հոդվածները։