Նա դարձավ ամուր ժայռ

ՍԻՄՈՆԻՆ տեսնելուն պես Հիսուսը նրան նոր անուն տվեց։ Նա ասաց. «Դու Սիմոնն ես՝ Հովհաննեսի որդին։ Այսուհետ դու կկոչվես Կեփաս»։ «Կեփաս» անունը ակներևաբար նույն իմաստն ունի, ինչ «Պետրոս» անունը, որը նշանակում է «ժայռաբեկոր»։ Ինչո՞ւ Հիսուսը այդ անունն ընտրեց։ Ժայռաբեկորը ամուր է, կարծր և կարող է օգտագործվել որպես շինանյութ։ Ըստ երևույթին, Հիսուսն ուզում էր դրանով ասել, որ Պետրոսը աչքի էր ընկնելու հենց այդպիսի հատկանիշներով և ամրացնելու էր ժողովը։

Իսկ Պետրոսը արդարացրե՞ց իրեն տրված այդ անունը։ Ինչպես տեսանք 45-րդ գլխում, Պետրոսը ոչ միշտ է ժայռանման հատկանիշներ դրսևորել։ Նա երբեմն անվստահ էր, փոփոխամիտ։ Եվ անգամ եղան պահեր, երբ վախին տեղի տալով՝ սխալ քայլեր արեց։ Այդուհանդերձ Հիսուսը չկորցրեց նրա հանդեպ իր վստահությունը։ Նա համոզված էր, որ Պետրոսը ավելի խիզախ ու հաստատակամ մարդ կդառնա։ Արդյոք Հիսուսն իրավացի՞ էր։

Իր կյանքը զոհելուց և հարություն առնելուց հետո Հիսուսը իր առաքյալներին անչափ կարևոր մի գործ հանձնարարեց։ Պետրոսը եռանդով ու պատրաստակամությամբ լծվեց այդ գործին։ Նա տարբեր առիթներով զարմանալի քաջություն դրսևորեց։ Երուսաղեմում մեծ տոնակատարության ժամանակ նա բարեպաշտ հրեաների մի քանի հազարանոց բազմության առաջ ելույթ ունեցավ և առանց վախենալու ուղիղ ասաց նրանց, որ իրենք պատասխանատվություն են կրում Մեսիայի մահվան համար։ Ներկաներից շատերը «իրենց սրտի խորքում մեծ ցավ զգացին» և դրական արձագանքեցին Պետրոսի համարձակ քարոզչությանը։ Արդյունքում մոտ 3000 հոգի մկրտվեց ու Հիսուսի աշակերտ դարձավ։

Պետրոսի համար բարի լուրի քարոզչությունը ամենագլխավոր բանն էր կյանքում։ Հիսուսը նրան վստահել էր «Թագավորության բանալիները»՝ հանձնարարելով, որ երկնքի թագավորության մեջ իշխելու դուռ բացի երեք տարբեր խմբի մարդկանց համար։ Ուստի Պետրոսը հենց այդպես էլ արեց. քաջաբար ու առանց կողմնապահության քարոզեց հրեաներին, ապա սամարացիներին, իսկ հետո այլազգիներին՝ հրեական ծագում չունեցող մարդկանց։ Բարի լուրը քարոզելու և հավատակիցներին քաջալերելու համար նա ճամփորդեց տարբեր վայրեր, երբեմն իր կնոջ հետ։ Նա նույնիսկ հասավ հեռավոր Բաբելոն ու բնակվեց այնտեղ։

Տասնամյակներ շարունակ Պետրոսը քարոզչական գործը կատարելիս խիզախորեն դիմագրավեց բազում դժվարություններ ու հալածանք։ Նրան ու իր համագործակիցներին նույնիսկ բանտ գցեցին, ընդ որում՝ ոչ մեկ անգամ։ Հրեա կրոնական առաջնորդները պահանջեցին, որ նրանք դադարեցնեն քարոզչությունը։ Բայց Պետրոսը պատասխանեց. «Մենք պետք է Աստծո՛ւն հնազանդվենք, ոչ թե մարդկանց»։ Ու թեև դրա համար նրանք ծեծի ենթարկվեցին, միևնույն է, շարունակեցին մարդկանց պատմել Աստծու թագավորության և նրա նշանակած Թագավորի՝ Հիսուս Քրիստոսի մասին։

Շուտով հալածանքը է՛լ ավելի սաստկացավ։ Ինչպես տեսանք նախորդ գլխում, Ստեփանոսը քարկոծվեց։ Մոտ տասը տարի անց նահատակվեց նաև Հակոբոս առաքյալը՝ Պետրոսի ընկերներից մեկը։ Հակոբոսին մահապատժի ենթարկած անգութ կառավարիչը, տեսնելով, որ այդ սպանությունը հրեաների սրտով է, հրամայեց, որ Պետրոսին էլ ձերբակալեն։ Նրան շղթայեցին, փակեցին բանտի խցում և հսկիչներ կանգնեցրին։ Ի՞նչ էր մտածում Պետրոսը այդ պահին։ Թերևս նա հիշում էր Հիսուսի մարգարեական խոսքերը, որ իրեն շղթայելու են ու տանեն բանտ՝ մահապատժի ենթարկելու, և գուցե մտածում էր, որ այդ մարգարեությունն արդեն իրականանում է։

Բայց ուշ գիշերին հանկարծ մի հրեշտակ հայտնվեց։ Նա արթնացրեց Պետրոսին, արձակեց շղթաները, հանեց բանտախցից և անցկացնելով հսկիչների մոտով՝ հսկայական դարպասով դուրս բերեց փողոց։ Ի՞նչ արեց Պետրոսը՝ հայտնվելով ազատության մեջ։ Նա առաջին հերթին մտածում էր ոչ թե իր ապահովության մասին, այլ իր հավատակիցների։ Ուստի անմիջապես գնաց այնտեղ, որտեղ իր եղբայրներն ու քույրերը հավաքվել էին Եհովային երկրպագելու և աղոթելու։ Կարելի է պատկերացնել, թե որքան ուրախալի ու քաջալերական էր նրանց համար Պետրոսի այցը։

Ակնհայտ է, որ Պետրոսը երբեք չմոռացավ իր Տիրոջ պատվերները՝ «զորացրու եղբայրներիդ», «կերակրիր իմ գառնուկներին» (Ղուկ. 22։32; Հովհ. 21։17)։ Ուր էլ որ նա գնար, քաջաբար քարոզում էր ու զորացնում Աստծու ժողովրդին։ Ինչ խոսք, նա կատարյալ չէր ու սխալներ էր անում։ Օրինակ՝ մի անգամ, ուրիշների կարծիքից վախենալով, սխալ պահեց իրեն, և խորհուրդ ստացավ մեկ ուրիշ առաքյալից։ Պետրոսը խոնարհաբար ընդունեց այդ խորհուրդը ու դաս քաղեց իր սխալից։ Նա շարունակեց ամրապնդել իր եղբայրների ու քույրերի հավատը և Աստծու ներշնչմամբ երկու նամակ գրեց, որոնք դարձան Աստվածաշնչի մի մաս։ Տասնամյակներ շարունակ հավատարմորեն ծառայելուց հետո Պետրոսը նորից բանտարկվեց։ Դա վերջին բանտարկությունն էր, քանի որ հետո նրան մահապատժի ենթարկեցին։ Բայց նա երբեք չկորցրեց իր հավատն ու քաջությունը։ Պետրոսն իսկապես ամուր ժայռ դարձավ։

Կարդա Աստվածաշնչից

• Մատթեոս 16։18, 19

• Հովհաննես 1։40-42; 21։14-19

• Գործեր 2։14-43; 5։17-42; 8։14-17, 25; 10։44-48; 12։1-17

• Գաղատացիներ 2։11-14

• 1 Պետրոս 5։13

• 2 Պետրոս 1։12-15

Քննարկման համար

Իր կյանքի այս շրջանում Պետրոսն ինչպե՞ս քաջություն դրսևորեց

Խորացրու գիտելիքներդ

1. 1. Հիսուսը Պետրոսին տվեց «Թագավորության բանալիները»։ Առաքյալն ինչպե՞ս գործի դրեց դրանք (Մատթ. 16։18, 19; ijwbq, հոդված 124, պրբ. 1-5)։ Ա

   Քո պատասխանը

   

2. 2. Ինչի՞ց է երևում, որ Պետրոսը դեռ նախքան այլազգի Կոռնելիոսին այցելելը արդեն իսկ որոշ չափով անկողմնակալ վերաբերմունք ուներ մարդկանց հանդեպ (Գործ. 10։5-7, 23; bt, էջ 69, պրբ. 1, ծնթ.)։ Բ

   Քո պատասխանը

   

3. 3. Ինչի՞ց կարելի է եզրակացնել, որ Պետրոսը ընդունել էր Պողոսի տված խորհուրդը (w17.04, էջ 26-27, պրբ. 15-17)։

   Քո պատասխանը

4. 4. Պետրոսը ինչո՞ւ տեղափոխվեց Բաբելոն (it, «Գերություն», պրբ. 24)։

   Քո պատասխանը

Մտածիր՝ ինչպես կիրառել

• Պետրոսը համարձակությամբ, բայց և հարգալից էր խոսում Երուսաղեմում հավաքված բազմության առաջ։ Ի՞նչ իրավիճակներում գուցե հատկապես կարիք լինի, որ և՛ խիզախ լինենք, և՛ նրբանկատ։

  Քո պատասխանը

• Թեև Պետրոսը շատ կարևոր դեր ուներ ժողովում, բայց խորհուրդ ընդունեց Պողոսից։ Ինչպե՞ս կարող ենք ընդօրինակել նրան։ Գ

  Քո պատասխանը

  

• Ուրիշ ի՞նչ կերպերով կարող ես ընդօրինակել Պետրոսի քաջությունը։

  Քո պատասխանը

Համադրիր ընդհանուր պատկերի հետ

• Այս պատմությունից ի՞նչ եմ սովորում Եհովայի մասին։

  Քո պատասխանը

• Այս պատմությունն ինչպե՞ս է կապված Եհովայի նպատակի հետ։

  Քո պատասխանը

• Այս գլխի տեղեկություններն ուսումնասիրելուց հետո ինչո՞ւ ես ուրախ, որ Պետրոսն ընտրվել է Հիսուսի հետ երկնքում իշխելու համար։

  Քո պատասխանը

Բացահայտիր ավելին

Պետրոսի օրինակը ինչպե՞ս կարող է օգնել մեզ, որ Եհովային ապավինելով՝ հաղթահարենք մեր վախերը։

«Սովորենք նրանցից—Պետրոս» (6։48)

Այս առաջադրանքի օգնությամբ ավելի շատ բան սովորիր Գործեր 10-րդ գլխում նկարագրված դեպքերից։

«Աստված կողմնակալ չէ» («Աստվածաշնչյան առաջադրանքներ» վեբ հոդվածաշար)