Ծառայութեան ժողովներ յունուար ամսուան համար
Յունուար 3–ով Սկսող Շաբաթը
Երգեցողութիւն թիւ 38
5 վյրկ. Տեղական ծանուցումներ։ Հակիրճօրէն ցցուն ըրէք մասնայատուկ կէտեր ընթացիկ պարբերաթերթերէն, որոնք տեղական թաղամասին մէջ մարդոց կոչ պիտի ընեն։
25 վյրկ. «Եհովայի Վկաներու 1994–ի ‘Աստուածային Վախ’ Նահանգային Համաժողովը»։ Քարտուղարը հարց պատասխանով նկատի կ’առնէ յաւելուածական յօդուածը։ Նախ, Դեկտեմբեր 15, 1993–ի համաժողովի նշանակումի նամակը կարդացէք։ Յօդուածին 3–րդ պարբերութիւնը նկատի առնելէ ետք, կարդացէք Recommended Lodging Locations list–ին բացման ու փակման պարբերութիւնները։ Կարդացէք յաւելուածական յօդուածին 4-6 եւ 12-14–րդ պարբերութիւնները։ Շեշտեցէք որ պէտք է բոլորն ալ իջեւան ընտրեն Recommended Lodging Locations list–էն նոյնիսկ եթէ ներկայ պիտի գտնուին համաժողովի մը որ նշանակուած շրջանէն դուրս է, ինչպէս որ նշուած է 12–րդ պարբերութեան մէջ։ Շեշտեցէք յօդուածին մէջ յիշուած սուրբ գրային սկզբունքները. պարկեշտութիւնը, հնազանդութիւնը, ուրիշներու հանդէպ սիրալիր նկատառութիւնը, եւայլն, նոյնիսկ եթէ թուի որ ոչ մէկը օթեւանի դիւրութիւնները պիտի գործածէ։ Գովեցէք զանոնք որոնք կը համագործակցին Ընկերութեան իջեւանելու կարգադրութեան հետ։ Աչքառու դարձուցէք 16 եւ 17–րդ պարբերութիւնները անոնց համար որոնք խուլ են։
15 վյրկ. «Ուրիշներու Օգնենք որ Մեր Գրականութիւններուն Արժէքը Գնահատեն»։ Ժողովքին հետ յօդուածը նկատի առէք։ 3–րդ եւ 4–րդ պարբերութիւններէն ետք հակիրճ ցուցադրութիւններ ներկայացուցէք։ Հրատարակիչներուն տեղեկացուցէք ժողովքին ունեցած 192 էջնոց գրականութիւնները։ Եթէ ժողովքը աւելի հին գրքեր չունի, 5–րդ պարբերութենէն ետք ցուցադրեցէք Մարդկութիւնը Որ Աստուած կը Փնտռէ գրքին գործածութիւնը։
Երգեցողութիւն թիւ 63 եւ փակման աղօթք։
Յունուար 10–ով Սկսող Շաբաթը
Երգեցողութիւն թիւ 47
10 վյրկ. Տեղական ծանուցումներ եւ Մեր Թագաւորութեան Ծառայութիւն թերթիկէն յարմար ԾԱՆՈՒՑՈՒՄՆԵՐ։
15 վյրկ. Պատրա՞ստ Էք Հաւատքին Ասպարէզ Կարդացող Բժշկական Վիճակ մը Դիմագրաւելու։ Քաջալերական դասախօսութիւն ատակ երէցի մը կողմէ, եղբայրներուն օգնելու որ գնահատեն Advance Medical Directive/Release card–ին պաշտպանական արժէքը, Մեր Թագաւորութեան Ծառայութեան Նոյեմբեր 1990 թիւին յաւելուածական յօդուածին 1-3 պարբերութիւններէն կէտեր գործածելով։ Կարգ մը «Աստուածային Ուսուցում» Նահանգային Համաժողովներուն, աւելի քան 50 առ հարիւրը այն քարտերէն որոնք գործածուեցան նոր հրատարակութիւն մը ստանալու համար չէին ստորագրուած, վկաներու ստորագրութիւնները չունէին, կամ անոնց ժամանակը անցած էր։ Նոր քարտեր բաժնեցէք միայն մկրտուած հրատարակիչներուն, ապա նկատի առէք Հոկտեմբեր 15, 1991–ի նամակը որ ցոյց կու տայ ինչպէ՛ս քարտերը լեցնել։ Եղբայրներուն պատուիրեցէք որ հիմա քարտերը ՉԼԵՑՆԵՆ, այլ իրենց հետ տուն տանին, աղօթքի կեցուածքով իրենց կարիքին մասին մտածեն, ապա զանոնք լեցնեն։ Բայց այն ատեն քարտերը ՄԻ՛ ՍՏՈՐԱԳՐԷՔ։ Լեցուած քարտերը բերէք յաջորդ Ժողովքի Գրքի Ուսումնասիրութեան, ուր երէցները պիտի օգնեն վստահ ըլլալու որ քարտերը ստորագրուած են, անոնց վրայ վկաներու ստորագրութիւնները կան եւ թուական կը կրեն։ Ժողովքի Գրքի Ուսումնասիրութեան վարիչը պիտի գործածէ այժմէական ցանկ մը որպէսզի վստահ ըլլայ որ իր խումբին մէջ բոլորն ալ այդպէս ըրած են։ (Մկրտուած ծնողներուն կարելի է օգնել որ իրենց զաւակներուն համար Անձնագիրի Քարտեր լեցնեն)։ Որեւէ անհատ որ այդ գրքի ուսումնասիրութիւնը կը փախցնէ, կրնայ օգնութիւն ստանալ վարիչներու/երէցներու կողմէ յաջորդ Ծառայութեան Ժողովին մէջ, մինչեւ որ բոլոր մկրտուած հրատարակիչներուն քարտերը պատշաճօրէն լեցուած ու ստորագրուած ըլլան։ Երէցները պէտք է մնացած անհատներու նկատմամբ ցանկ մը ունենան եւ փորձեն բոլոր քարտերը ամբողջացնել կարելի եղածին չափ շուտ։
20 վյրկ. «Վերադառնանք Գնահատանք Կերտելու Համար»։ Ունկնդիրներուն հետ խօսակցիլ։ Եթէ հրատարակիչները հին գրականութիւններ կը գործածեն, ցուցադրեցէք ինչպէ՛ս վերայցելել անհատ մը որ այդ գիրքերէն մէկը ընդունած է։ Այլապէս, ցուցադրեցէք ինչպէ՛ս վերայցելել մէկը որ Մարդկութիւնը Որ Աստուած կը Փնտռէ գիրքը ընդունած է, գործածելով 5–րդ պարբերութեան թելադրութիւնները։
Երգեցողութիւն թիւ 162 եւ փակման աղօթք։
Յունուար 17–ով Սկսող Շաբաթը
Երգեցողութիւն թիւ 33
10 վյրկ. Տեղական ծանուցումներ եւ հաշիւի տեղեկագիրը։ Պարփակեցէք նուիրատուութիւններու ընկալագիրը։ Գնահատանք արտայայտեցէք հրատարակիչներուն նիւթական աջակցութեան համար Ընկերութեան եւ ժողովքին գործունէութիւններուն։ Վերյիշեցուցէք ոեւէ անհատ որ դեռ իր Advance Medical Directive/Release card–ը չէ ամբողջացուցած որ զայս ընէ հիմա, մօտենալով իր Ժողովքի Գրքի Ուսումնասիրութեան վարիչին կամ միւս երէցներէն մէկուն։
20 վյրկ. «Յաճախ Աշխատցուած Թաղամասը Ծառայենք»։ Ծառայութեան տեսուչը հարց պատասխանով յօդուածը նկատի կ’առնէ։ Յաճախ աշխատցուած թաղամասեր ունեցող ժողովքներուն մէջ, ներկայացուցէք ցուցադրութիւն մը Պատճառաբանել գրքի բացումներէն մէկուն մասին, որոնց ակնարկուած է 4–րդ եւ 5–րդ պարբերութիւններուն մէջ, ինչպէս նաեւ ուրիշ յարմար բացում մը որ կա՛մ առնուած է 6–րդ եւ 7–րդ պարբերութիւններէն եւ կամ յատկապէս պատրաստուած է տեղական թաղամասին համար։ Այն ժողովքներուն մէջ որոնք իրենց թաղամասը շատ անգամ չեն ծածկեր, ուրիշ յարմար բացումներ Պատճառաբանել գրքէն պէտք է ներկայացնել ցուցադրութիւններուն մէջ։ Ցուցադրութիւնները պէտք է լաւ փորձ ընել։
15 վյրկ. Երկրին Ապագան Ի՞նչ Է։ Հիմնուած Պատճառաբանել գրքին վրայ, էջ 112-17։ (5 վյրկ.) Դասախօսութիւն որ կը ծածկէ էջ 112 եւ 113–ի ենթագլուխներուն ներքեւ յիշուած կէտերը, նկատի առնելով տեղեկութիւնները մինչեւ էջ 114–ի մէջտեղը։ (7 վյրկ.) Նորեկ հրատարակիչ մը եւ հասուն, փորձառու հրատարակիչ մը կը խօսակցին էջ 114-16–ի տեղեկութիւններուն մասին։ Նորեկ հրատարակիչին աշխարհային ազգականները առարկած են թէ Աստուածաշունչը ցոյց կու տայ թէ երկիրը պիտի կործանուի։ Նորեկ հրատարակիչը կը խնդրէ աւելի փորձառու հրատարակիչին օգնութիւնը հասկնալու համար Աստուածաշունչի համարները երկրին նկատմամբ։ (3 վյրկ.) Եզրափակեցէք նկատի առնելով էջ 117–ի վրայ եղած հարցումը՝ «Ի՞նչ տեսակ մարդոց Աստուած պիտի շնորհէ անվերջ կեանք մը երկրի վրայ»։ Քաջալերեցէք որ բոլորն ալ ջանան այսպիսի առանձնաշնորհումի մը որակելի ըլլալ։
Երգեցողութիւն թիւ 222 եւ փակման աղօթք։
Յունուար 24–ով Սկսող Շաբաթը
Երգեցողութիւն թիւ 32
5 վյրկ. Տեղական ծանուցումներ։ Բոլորը քաջալերեցէք որ բաժին բերեն դաշտի ծառայութեան մէջ այս շաբաթ։ Ծանուցանեցէք ժողովքի դաշտի ծառայութեան կարգադրութիւնները։
10 վյրկ. «Աստուածաշունչը—Մարդկութեան Ամենահին եւ Այժմու Գիրքը»։ Հարց պատասխանով յօդուածը նկատի առնել։
15 վյրկ. Նոր Տարեգիրքը Ընտանիոք Գործածել։ Ընտանիքի գլուխ մը ընտանիքին հետ քաջալերական կերպով վերաքաղ կ’ընէ բացման տեղեկութիւնները 1994–ի Տարեգիրքին առաջին տասը էջերուն վրայ։ Կ’եզրափակէ ընտանիքին համար կարգադրութիւններ ուրուագծելով, որպէսզի իւրաքանչիւր շաբաթ Տարեգիրքէն մի քանի էջեր կարդան։
15 վյրկ. Ժողովքին Դաշտի Գործունէութիւնը։ Ծառայութեան տեսուչը եւ ուրիշ երէց մը վերաքաղ կ’ընեն ժողովքի գործունէութիւնը անցեալ չորս ամիսներուն ընթացքին։ Ծառայութեան տարուան մէկ երրորդը անցած է (Սեպտեմբեր-Դեկտեմբեր)։ Ժողովքը ինչպէ՞ս կը գործէ։ Անկեղծօրէն գովեցէք ուր որ ժողովքը լաւ գործած է։ Նաեւ յիշեցէք թէ ժողովքը ո՛ր մարզերուն մէջ կրնայ բարելաւուիլ եւ գործնական թելադրութիւններ ներկայացուցէք։ Պարփակեցէք մէկ կամ երկու հակիրճ քաջալերական դաշտի փորձառութիւններ ծառայութեան տարուան առաջին չորս ամիսներէն։ Եզրափակեցէք դրական, կերտիչ ոճով։ Յիսուսի ուրախութիւնը ծագում կ’առնէր իր ծառայութիւնը կատարելէն։ Մենք ալ մեծ ուրախութիւն պիտի քաղենք զբաղած մնալով այն գործին մէջ զոր Եհովա մեզի տուած է։—Յովհ. 4։34. Ա. Կորն. 15։58
Երգեցողութիւն թիւ 123 եւ փակման աղօթք։
Յունուար 31–ով Սկսող Շաբաթը
Երգեցողութիւն թիւ 28
5 վյրկ. Տեղական ծանուցումներ։ Բոլորը քաջալերեցէք որ դաշտի ծառայութիւնը կանուխ սկսին մասնակցելով այս շաբաթավերջը։ Կրնաք օգտակար առաջարկներ տալ ընթացիկ պարբերաթերթերը ներկայացնելու նկատմամբ։
10 վյրկ. Դուք Կրնաք Յաւիտեան Ապրիլ Երկրային Դրախտի մը մէջ Գիրքը Տունէ Տուն Ներկայացնենք։ Խանդավառ հակիրճ դասախօսութիւն մը գրքին փաստուած արժէքին մասին մարդոց օգնելու որ Եհովան ճանչնան ու պաշտեն։ Ցուցադրեցէք ինչպէ՛ս հրատարակիչ մը կրնայ Մեր Թագաւորութեան Ծառայութեան այս թիւին մէջ յիշուած թելադրութիւնները գործածել դաշտի ծառայութեան մէջ։
20 վյրկ. «Ժողովներուն Յաճախելը—Լուրջ Պատասխանատուութիւն մըն Է»։ Հարց պատասխանով։ 2–րդ պարբերութեան հետ կապակցաբար, հարցազրոյց ունեցէք հրատարակիչներու հետ որոնք արգելքներ յաղթահարած են որպէսզի կանոնաւորաբար ժողովներուն յաճախեն։
10 վյրկ. Տեղւոյն կարիքներ։ Կամ դասախօսութիւն երէցի մը կողմէ «Շիտակ Տեսակէտ Ունենանք Աստուծոյ Ողորմութեան Հանդէպ» յօդուածին մասին, Դիտարան Հոկտեմբեր 1, 1993, էջ 22-5, Անգլերէնով։
Երգեցողութիւն թիւ 152 եւ փակման աղօթք։