Ոչ–Վկայ Կողակիցներուն Օգնենք
1 Ուրախութեան մեծ պատճառ մըն է, երբ ամուսնացած զոյգեր ճշմարիտ պաշտամունքին մէջ միացած ըլլան։ Սակայն, բազմաթիւ ընտանիքներու մէջ, կողակիցներէն միայն մէկը ճշմարտութեան ճամբան ընդունած է։ Ի՞նչպէս կրնանք ոչ–Վկայ կողակիցներուն օգնել եւ քաջալերել որ մեզի հետ Եհովան պաշտեն։—Ա. Տիմ. 2։1-4
2 Անոնց Մտածելակերպը Հասկնանք. Թէեւ ոչ–Վկայ կողակիցներէն ոմանք կրնան հակառակիլ, բայց յաճախ խնդիրը անտարբերութիւն կամ անհասկացողութիւն է։ Անհատը կրնայ անտեսուած զգալ կամ նախանձիլ իր կողակիցին հոգեւոր նոր հետաքրքրութենէն։ Ամուսին մը կը յիշէ. «Տան մէջ առանձին ըլլալով, լքուած կը զգայի»։ Ուրիշ մը կ’ըսէ. «Կարծես կինս եւ զաւակներս ինծի կը ձգէին»։ Կարգ մը ամուսիններ կրնան խորհիլ որ իրենց ընտանիքը կը կորսնցնեն կրօնքի մը համար։ (Տես՝ Դիտարան 1 Նոյեմբեր 1990, էջ 21-24։) Այս պատճառաւ ալ լաւագոյն կերպն է, եթէ կարելիութիւնը կայ, սկիզբէն իսկ՝ ամուսինը իր կնկան հետ միասին տան սուրբ գրային ուսումնասիրութեան կարգադրութեան մէջ պարփակել։
3 Խմբովին Գործեցէք. Վկայ զոյգ մը միասնաբար ազդուօրէն գործեցին, օգնելով ամուսնացած զոյգերուն որ ճշմարտութեան գան։ Քոյրը՝ կնոջ մը հետ ուսումնասիրութիւն մը հաստատելէն ետք, եղբայրը անոր ամուսնոյն այցելութիւն մը կու տար։ Յաճախ ան կարող կ’ըլլար ամուսնոյն հետ ուսումնասիրութիւն մը սկսիլ։
4 Բարեկամական եւ Հիւրասէր Եղէք. Ժողովքին մէջի ընտանիքները կրնան օգնական ըլլալ, ճշմարիտ պաշտամունքին մէջ տակաւին չմիացած ընտանիքներով հետաքրքրուելով։ Քանի մը բարեկամական այցելութիւններ կրնան օգնել ոչ–Վկայ կողակիցին տեսնելու որ Եհովայի Վկաները ջերմ, հոգածու Քրիստոնեաներ են, որոնք իրարու բարօրութեամբ հետաքրքրուած են։
5 Ժամանակ առ ժամանակ, երէցները կրնան վերաքաղ ընել թափուած ջանքը՝ ոչ–Վկայ կողակիցներուն օգնելու եւ որոշել յաւելեալ ի՛նչ բաներ ընել, զանոնք Եհովայի կողմը շահելու համար։—Ա. Պետ. 3։1, ՆԱ, ստորանիշ։