Ծանուցումներ

◼ Ներկայացուելիք գրականութիւններ Հոկտեմբեր 1-17. Դիտարան եւ Զարթի՛ր պարբերաթերթերը։ Երբ հետաքրքրութիւն ցուցաբերուի, ներկայացուցէք Ի՛նչ կը Պահանջէ գրքոյկը եւ ջանացէք Աստուածաշունչի ուսումնասիրութիւններ սկսիլ։ Հոկտեմբեր 18–Նոյեմբեր 14. Արթո՛ւն Կեցէք գրքոյկը բաշխելու մասնայատուկ արշաւ։ Նոյեմբեր 15-30. Մեծ Ուսուցիչէն Սորվիր։ Եթէ տանտէրը երախաներ չունի, ներկայացուցէք Ի՛նչ կը Պահանջէ գրքոյկը, ջանալով տան սուրբ գրային ուսումնասիրութիւններ սկսիլ։ Դեկտեմբերին. Ցարդ Ապրած Մեծագոյն Մարդը։ Որպէս փոխընտրութիւն կրնաք գործածել՝ Աստուածաշունչը—Աստուծո՞յ Խօսքն Է, թէ՝ Մարդոց, Աստուածաշունչի Պատմութիւններու Հաւաքածոյ, կամ Դուք Կրնաք Յաւիտեան Ապրիլ Երկրային Դրախտի մը Մէջ։ Յունուարին. 1990–էն առաջ հրատարակուած որեւէ գիրք որ ժողովքը ունի։ Եթէ չունիք, հաճեցէք մօտակայ ժողովքներէն հին գրականութիւններ խնդրել, որպէսզի զանոնք գործածէք։ Հին գիրքեր չունեցող ժողովքները կրնան Միակ Ճշմարիտ Աստուածը Պաշտեցէք գիրքը ներկայացնել։

◼ Մեր Թագաւորութեան Ծառայութիւնը թերթիկին այս թիւին յաւելուածականը՝ «2005–ի Աստուածպետական Ծառայութեան Դպրոցի Յայտագիր»ն է, եւ պէտք է պահուի գործածուելու համար 2005–ի ընթացքին։

◼ Մասնաճիւղի գրասենեակը հրատարակիչներու կողմէ անհատական գետնի վրայ եղած գրականութեան ապսպրանքներ չ’ընդունիր։ Վերակացու տեսուչը պէտք է կարգադրէ որ ամէն ամիս ծանուցում մը ըլլայ, ժողովքի գրականութեան ամսական խնդրագիրը մասնաճիւղ ուղարկուելէ առաջ, որպէսզի բոլոր անոնք որ կ’ուզեն գրականութիւններ ստանալ, իրենց ապսպրանքը ներկայացնեն գրականութեան պատասխանատու եղբօր։ Հաճեցէք ի մտի ունենալ թէ ո՛ր գրականութիւնները մասնայատուկ ապսպրանքներ են։