Ներկայացումի նմոյշներ
Օգոստոս ամսուան առաջին շաբաթ օրը՝ Աստուածաշունչի ուսումնասիրութիւններ սկսելու համար
«Գրեթէ ամէն մարդ ատեն–ատեն կ’աղօթէ։ Նոյնիսկ անհաւատներ նեղութեան ժամանակ աղօթած են։ Կը կարծէ՞ք թէ Աստուած բոլոր աղօթքները կը լսէ»։ Թոյլ տուր որ պատասխանէ։ Ցոյց տուր Դիտարան–ի 1 օգոստոս թիւին ետեւի կողքը եւ միասնաբար նկատի առէք առաջին հարցումին տակ գտնուող նիւթը ու նշուած համարներէն առնուազն մէկը։ Պարբերաթերթերը առաջարկէ եւ յաջորդ հարցումը քննարկելու համար վերադառնալու կարգադրութիւն ըրէ։
Նշմար. այս ներկայացումը պէտք է ցուցադրուի օգոստոս 3–ին կայացող դաշտի ծառայութեան ժողովին ընթացքին։
Դիտարան 1 Օգոստոս
«Նկատած ենք որ շատեր կ’ապշին, թէ պոռնկագրութիւնը որքա՜ն համատարած դարձած է։ Իսկ ուրիշներ ալ կը խորհին, թէ անիկա անվնաս հաճոյք մըն է։ Ձե՞ր կարծիքը ինչ է։ [Թոյլ տուր որ պատասխանէ։] Յիսուս ըսաւ թէ բանի մը լաւ կամ գէշ ըլլալը կրնանք գիտնալ իր արտադրած պտուղէն։ [Կարդա՛ Մատթէոս 7։17։] Այս պարբերաթերթը կը քննարկէ պոռնկագրութեան յառաջ բերած պտուղը։ Անիկա նաեւ գործնական կէտեր կը նշէ՝ պոռնկագրութենէն ինչպէ՛ս ձերբազատուելու առնչութեամբ»։
Զարթի՛ր Օգոստոս
«Գրեթէ բոլորս կ’ուզենք կարելի եղածին չափ երկար ապրիլ։ Կը կարծէ՞ք թէ գիտութեան յառաջանալովը՝ օր մը օրանց կարելի պիտի ըլլայ որ յաւիտեան ապրինք։ [Թոյլ տուր որ պատասխանէ։] Նկատի առէք այս հիանալի խոստումը։ [Կարդա՛ Ա. Կորնթացիս 15։26ա։] Բայց Աստուած ինչպէ՞ս ասիկա պիտի իրականացնէ,– գիտութեա՞ն միջոցաւ կամ թէ ուրիշ մէկ ձեւով։ Իսկ ինչո՞ւ հիմա կը ծերանանք ու կը մեռնինք։ Այս պարբերաթերթը ցոյց կու տայ, թէ Սուրբ Գիրքը ինչպէ՛ս կը պատասխանէ այս հարցումներուն»։