Աստուծոյ Խօսքը առօրեայ կեանքիդ մէջ զօրութիւն ունի՞

Աստուածաշունչը ամէն օր ուսումնասիրելը կրնայ մեզի օգնել որ ‘արմատ կապենք’ եւ ‘հաւատքի մէջ հաստատուինք’ (Կող. 2։6, 7)։ Սակայն Եհովային Խօսքը մեր կեանքին մէջ զօրութիւն ունենալու համար, պէտք է անոր սկզբունքներուն վրայ խոկանք եւ զանոնք կիրարկենք (Եբ. 4։12. Յակ. 1։22-25)։ Յեսու 1։8–ը կը ներկայացնէ երեք ազդու քայլեր. 1) Աստուծոյ Խօսքը «գիշեր ցորեկ» կարդա՛։ 2) Զայն «ցած ձայնով կարդա՛» (ՆԱ). ասիկա կը նշանակէ կարդալ այնպիսի արագութեամբ, որ մեզի թոյլ կու տայ որ խոկանք եւ բովանդակութիւնն ու պարագաները երեւակայենք։ 3) Լրջօրէն կիրարկէ «բոլոր անոր մէջ գրուածները»։ Այս թելադրութիւնները ի գործ դնելը կարելի պիտի դարձնէ, որ մեր առօրեայ կեանքին մէջ մեր ‘գործերը յառաջ տանինք’ եւ ‘յաջողութիւն գտնենք’։