Պատճառներ կա՞ն որ 2023–ին յոյսով ապրինք. Աստուածաշունչը ի՞նչ կ’ըսէ

Մինչ 2023–ը կը սկսի, բոլորս ալ կը յուսանք որ մեզի եւ մեր սիրելիներուն համար լաւ բաներ պատահին։ Ինչո՞ւ։

Աստուածաշունչը յոյս կու տայ

Աստուածաշունչը կու տայ բարի լուր, թէ մեր հիմակուան խնդիրները ժամանակաւոր են եւ անոնք շուտով պիտի լուծուին։ Աստուածաշունչը ‘գրուեցաւ որ սորվինք, որպէս զի գրքերուն մխիթարութիւնով մենք յոյս ունենանք’ (Հռովմայեցիս 15։4)։

• Աստուածաշունչի խոստացած բաներուն մասին աւելին գիտնալու համար, կարդա՛ «Իսկական յոյս՝ աւելի լաւ ապագայի մը մասին» յօդուածը։

Յոյսը կրնայ քեզի հիմա օգնել

Աստուածաշունչին տուած յոյսը կրնայ նմանցուիլ ‘խարիսխի մը’, որ մեր անձին կամ կեանքին օգուտ կը բերէ (Եբրայեցիս 6։19)։ Անիկա կրնայ մեր կեանքը հաստատ պահել, կ’օգնէ որ մեր ներկայ խնդիրներուն հետ գլուխ ելլենք, դրական տեսակէտ մը ունենանք եւ մնայուն ուրախութիւն գտնենք։ Օրինակի համար՝

•  Տե՛ս թէ Աստուածաշունչին տուած յոյսը ինչպէ՛ս օգնեց մարդու մը, որ որոշ մոլութեան մը դէմ կը պայքարէր։ Դիտէ՛ Կեանքէս գանեցայ վիտէոն։

•  Տե՛ս թէ ինչպէս Աստուածաշունչին տուած յոյսը կրնայ մեզի օգնել, երբ մեր սիրելիներէն մէկը մահանայ։ Դիտէ՛ Սուգի մէջ եղողներուն համար մխիթարութիւն վիտէոն։

Յոյսդ զօրացուր

Շատեր կը յուսան որ լաւ բաներ պատահին, բայց վստահ չեն որ իրենց այդ յոյսերը օրին մէկը կրնան իրականանալ։ Բայց Աստուածաշունչը տարբեր բան մը կը խոստանայ։ Ինչո՞ւ։ Քանի որ Աստուածաշունչին տուած խոստումները Եհովա Աստուծոյa կողմէ են, որ «անսուտն Աստուած» է (Տիտոս 1։2)։ Միայն Եհովան կարողութիւնը ունի իր խոստումները կատարելու, ան կրնայ ընել ‘ամէն ինչ որ ուզէ’ (Սաղմոս 135։5, 6)։

Ջերմօրէն կը հրաւիրենք քեզ որ Աստուածաշունչի տուած վստահելի յոյսէն օգտուիս։ Ատոր հանդէպ վստահութիւնդ կրնաս աւելցնել Սուրբ ‘գրքերը քննելով’ (Գործք 17։11)։ Ասիկա ըրէ, փորձելով մեր առաջարկած Սուրբ գիրքի ձրի դասընթացքը։ 2023–ը սկսէ՛ յոյսերով լեցուն։