ՎԵՐԱՅՑԵԼԵԼՈՒ ԺԱՄԱՆԱԿ
ԴԱՍ 7
Շարունակէ ջանք թափել
Սկզբունք. «Ամէն օր տաճարը ու տուներուն մէջ չէին դադարեր սորվեցնելէ ու Յիսուս Քրիստոսը քարոզելէ» (Գործք 5։42)։
Պօղոսին օրինակը
1. Դիտէ՛ ՎԻՏԷՈՆ կամ կարդա՛ Գործք 19։8-10։ Ետքը, այս հարցումներուն պատասխանէ.
ա) Փոխանակ հակառակութեան դիմաց յանձնուելու, Պօղոս ինչպէ՞ս շարունակեց ջանք թափել, որ հետաքրքրուած մարդոց օգնէ։
բ) Պօղոս ե՞րբ կ’երթար հետաքրքրուած անհատներուն սորվեցնելու, եւ ասիկա որքա՞ն ժամանակ տեւեց։
Պօղոսէն ի՞նչ կը սորվինք
2. Պէտք է ժամանակ տրամադրենք եւ ջանք թափենք որ մարդոց վերայցելենք եւ անոնց հետ սկսինք սերտել։
Պօղոսին նմանէ
3. Դիմացինին յայտագիրին յարմարէ։ Դուն քեզի հարցուր. ‘Ե՞րբ եւ ո՞ւր յարմար է որ հետը խօսիմ’։ Իրեն վերայցելէ, նոյնիսկ եթէ ժամանակը քեզի յարմար չէ։
4. Իրեն հարցուր, որ ե՛րբ կրնաս հետը նորէն խօսիլ։ Ամէն մէկ խօսակցութեան վերջաւորութեան հետը համաձայնէ, որ ե՛րբ կրնաս իրեն հետ նորէն խօսիլ։ Ժամադրութիւնդ յարգէ։
5. Յոյսդ մի՛ կտրեր։ Եթէ անձը ընդհանրապէս տունը չէ կամ զբաղած է, շուտով մի՛ մտածեր որ հետաքրքրուած չէ (Ա. Կոր. 13։4, 7)։ Միշտ ջանք թափէ որ իրեն վերայցելես, բայց նոյն ատեն ուշադիր եղիր որ ժամանակդ պարապի չերթայ (Ա. Կոր. 9։26)։