Շարունակենք Աստուածպետական Գործունէութիւններ Հետապնդել Ամառուան Ընթացքին
1 Ամառը պատեհութիւններ կ’ընծայէ այլազան գործունէութիւններու մասնակցելու։ Մեր մեծամասնութիւնը կը փափաքի նպաստաւոր օդի վիճակը օգտագործել, տարբեր բան մը ընելով եւ հանգստանալով։ Սակայն, պէտք է զգուշանանք որ մեր աստուածպետական սովորութիւնը չխանգարուի։—Փիլ. 3։16
2 Եթէ մատչելի ժամանակ պիտի ունենաք, ինչպէս դպրոցի արձակուրդի մը ընթացքին, մտածա՞ծ էք ծառայութեան մէջ աւելի մեծ բաժին մը բերելու մասին։ Շատեր տեսած են որ ասիկա լաւ ժամանակ մըն է օժանդակ ռահվիրաներ ըլլալու։ Ասիկա յաճախ ճամբան հարթած է ծառայութեան աւելի մեծ առանձնաշնորհումներու։ Ընտանիքը կրնայ իրական ուրախութիւն վայելել միասնաբար անցընելով լման օրեր ծառայութեան մէջ։ Ի՛նչ որ ալ ըլլայ պարագան, կրնա՞ք աւելցնել այն ժամանակը զոր ծառայութեան կը յատկացնէք։ Նպաստաւոր օդի վիճակ եւ ցերեկուան աւելի երկար ժամեր ըլլալով, աւելի անհատներ կրնան իրիկուան վկայութեան մասնակցելու օգուտները քաղել։
3 Ի՞նչ ըսել ձեր ժողովքին օգնելու մասին որ իր ամառնային թաղամասը ծածկէ։ Անցեալ ամառ ժողովքները շատ լաւ աշխատեցան այսպիսի թաղամասեր ծածկելու համար։ Ասիկա կը նկատուի ստացուած զանազան տեղեկագիրներէն որոնք հրատարակուեցան Մեր Թագաւորութեան Ծառայութիւն թերթիկին Յունուար թիւին մէջ։ Առաջուընէ ծրագրեցէք ձեր ժողովքին հետ մասնակցիլ Կիրակի օրերը, եւ եթէ կարելի է, նոյնիսկ շաբթուան միւս օրերը։ Ինչպէս որ անցեալ ամառ ըրինք, կը յուսանք լաւ արդիւնքներ ձեռք ձգել մեր ամառնային գործունէութիւններով այդ թաղամասերը ծածկելուն առնչութեամբ։
4 Կը ծրագրէ՞ք արձակուրդը անցընել տունէն հեռու։ Եթէ այո, կը ծրագրէ՞ք որ ձեր այցելած տեղը ժողովներուն ներկայ գտնուիք։ Կը մտածէ՞ք դաշտի ծառայութեան մասնակցիլ հոն եղող եղբայրներուն հետ։ Ասիկա պարփակելը ձեր արձակուրդին մէջ կրնայ շատ վարձահատոյց ըլլալ ձեզի եւ ուրիշներու։ (Հռովմ. 1։11, 12) Նաեւ, կրնա՞ք անպաշտօն կերպով վկայել մինչ կը ճամբորդէք։ Վստահ եղէք ձեր հետ առնելու Աստուածաշունչը եւ գրականութիւններէն քանակ մը։ Ձեր ազատ ժամանակէն մաս մը գործածեցէք ձեր ընթերցումը եւ Աստուածաշունչի ուսումնասիրութիւնը շարունակելու։ Յիշեցէք որ թէեւ երբեմն պէտք ունինք աշխարհային հետապնդումներէն արձակուրդ մը առնելու, չենք ուզեր Եհովային ծառայելէն դադար առնենք։
5 Երէցները պէտք է արթուն ըլլան ժողովքի գործունէութիւնները լաւ կազմակերպուած պահելու։ Եթէ ոեւէ երէց կամ օգնական ծառայ պիտի բացակայի, պէտք է կարգադրութիւն ընել որ ուրիշներ անոնց պատասխանատուութիւններուն հոգ տանին։ Վերակացու տեսուչին առաջուընէ տեղեակ պահելը թէ ո՛ր թուականին այս եղբայրները ճամբորդած պիտի ըլլան, իրեն պիտի օգնէ որ վստահ ըլլայ յարմար փոփոխութիւններ ընելու։
6 Այո, ամառը կրնայ շատ խճողուած ժամանակ մը ըլլալ։ Բայց զբաղումները դիւրաւ կրնան ձեր Թագաւորութեան ծառայութեան լաւ սովորութիւնը խանգարել։ Ձեր ամառնային պատեհութիւններէն լաւագոյնս օգտուեցէք։ Առողջարար հոգեւոր նախապատուութիւնները սահմանեցէք ու անոնց կառչեցէք։—Փիլ. 1։10