Ուրիշներու Օգնենք Որ Մեր Արարիչը Պատուեն
1 Սաղմոսերգուին նման կը զգա՞նք երբ ըսաւ. «Ո՛վ Տէր, . . . կեանքի աղբիւրը քու քովդ է»։ (Սաղմ. 36։5, 9) Մեր կարգին ինչպէ՞ս կրնանք ուրիշներու օգնել որ գնահատեն ու պատուեն Եհովան որպէս մեր Ստեղծիչը։ Կեանքը Ինչպէ՞ս Ծագում Առաւ Հոս—Բարեշրջութեա՞մբ թէ Ստեղծագործութեամբ գիրքը իսկապէս ուշագրաւ է, քանի որ կը հայթայթէ հաստատ ապացոյց Աստուծոյ գոյութեան եւ յստակօրէն ցոյց կու տայ թէ ինչպիս բարեշրջութիւնը կարելի չէ որ շիտակ ըլլայ։ Անիկա նաեւ վստահութիւն կը կերտէ Աստուածաշունչին հանդէպ որպէս Աստուծոյ Խօսքը։ Վստահաբար կ’ուզենք որ ամէն անհատ գիտնայ թէ ինչպէս ստեղծագործութիւնը, ոչ բարեշրջութիւնը, Եհովա Աստուծոյ պատիւ կը բերէ։ Յունիս ամսուան ընթացքին պատեհութիւնը ունինք այս գիրքը ներկայացնելու մեր վերայցելութիւններուն ատեն։ Ի՞նչ կրնանք ըսել մեր տունէ-տուն ծառայութեան ընթացքին որպէսզի ճամբան հարթենք այս գիրքը ներկայացնելու վերայցելութիւններուն ատեն։
2 Ահաւասիկ պարզ, ուղղակի մօտեցում մը.
Տանտիրոջ բարեւելէ ետք, կրնաք հարցնել.
◼ «Կեանքը ինչպէ՞ս սկսաւ այս երկրագունդին վրայ։ Ոմանք կ’ըսեն թէ դիպուածով եղաւ։ Աստուածաշունչը ամէն վարկը Աստուծոյ կը վերագրէ։ Ի՞նչ կը խորհիք։ [Թոյլ տուէք որ պատասխանէ։] Աստուածաշունչը ցոյց կու տայ կեանքին ու տիեզերքին աղբիւրը։ Նկատեցէք ինչ որ Աստուածաշունչը կ’ըսէ Յայտնութիւն 4։10–ին մէջ։ Ի՞նչ կը խորհիք։ Յաջորդ անգամ ուրախ պիտի ըլլամ ձեզի ցոյց տալով գիտական ապացոյցները, որոնք Աստուածաշունչին հետ ներդաշնակ են ասոր առնչութեամբ»։ Խոստացէք վերադառնալ գիրքով, որպէսզի 17–րդ գլուխէն կարգ մը գաղափարներ նկատի առնէք։
3 Դուք ձեզ ծանօթացնելէ ետք, կրնաք ըսել.
◼ «Այս արդի գիտական աշխարհին մէջ, գործնակա՞ն է հաւատալ ստեղծագործութեան, կամ կը խորհի՞ք որ հոս եկած ենք դիպուածով։ [Առիթ տուէք որ պատասխանէ։] Նկատեցէք Աստուածաշունչի պատճառաբանութիւնը այս հարցին շուրջ։ [Կարդացէք Եբրայեցիս 3։4։] Կը համաձայնի՞ք որ ամէն շէնք շինող մը ունի։ Ուստի, տիեզերքը կրնա՞յ գոյութիւն ունենալ ինքնիրեն»։ Եթէ տանտէրը հետաքրքրուի, իրեն ըսէք որ յաջորդ անգամ երբ այցելէք նկատի պիտի առնէք սա հարցումը. Մարդուն ու երկրագունդին ապագան ի՞նչ է։ Խոստացէք գիրքը բերել մի քանի օր ետք, որպէսզի քննարկէք 19–րդ գլուխին աչքառու մասերը։
4 Կամ տանտիրոջ բարեւելէ ետք, կրնաք ըսել.
◼ «Ըստ ձեր կարծիքին, մեր առաջին նախահայրերը ի՞նչի կը նմանէին։ [Թոյլ տուէք որ պատասխանէ։] Անոնք կը նմանէի՞ն այս ‘կապկա–մարդ’ուն։ Նկատեցէք ինչ որ Աստուածաշունչը կ’ըսէ Գործք 17։26–ին մէջ։ [Կարդացէք։] Ուստի, ‘կապկա–մարդ’ոց գծագրութիւնները ի՞նչ բանի վրայ հիմնուած են»։ Տանտիրոջ ըսէք որ ան կրնայ օգտուիլ Կեանքը Ինչպէ՞ս Ծագում Առաւ Հոս—Բարեշրջութեա՞մբ թէ Ստեղծագործութեամբ գիրքը կարդալով ու այս հարցումին պատասխանը առնելով։ Խոստացէք գիրքը բերել մօտ ապագային, որպէսզի ցցուն ընէք 7–րդ գլուխին երեսակները։
5 Ուրիշ մօտեցում մըն է հետեւեալը ըսելը.
◼ «Այսօր մեր դրացիներուն հարց կու տանք. Մարդը ծագում առաւ բարեշրջութեա՞մբ թէ ստեղծագործութեամբ։ Ի՞նչ կը խորհիք։ [Առիթ տուէք որ պատասխանէ։] Թէեւ շատ մը ուսեալներ կ’ընդունին բարեշրջութիւնը որպէս իրողութիւն մը, ուրիշ ուսեալներ չեն հաւատար անոր։ Պէտք է անձամբ քննենք ապացոյցը տեսնելու համար թէ ո՛ր մէկուն հաւատանք՝ բարեշրջութեան թէ ստեղծագործութեան»։ Հարցում մը յարուցանեցէք որու կրնաք պատասխանել Պատճառաբանել գրքին «Ստեղծագործութիւն» նիւթէն։ Տանտիրոջ օգնեցէք որ ակնկալէ Ստեղծագործութիւն գիրքը ձեր յաջորդ այցելութեան։
6 Կը տենչա՞ք ուրիշներու օգնել որ սորվին հոյակապ ճշմարտութիւնները մեր Ստեղծիչին մասին եւ իր ստեղծագործութեան վերաբերեալ իր սիրալիր նպատակին մասին։ Ստեղծագործութիւն գիրքը կրնայ ձեզի օգնել որ ասիկա ընէք։ Անիկա մեր Մեծ Ստեղծիչը՝ Գերիշխան Տէր Եհովան՝ կը պատուէ, փառաբանելով իր գործերը եւ ճանչցնելով իր հոյակապ նպատակը իր անունը սրբացնելու ու մարդկութիւնը օրհնելու Քրիստոսի Թագաւորութեան միջոցաւ։