Հաւատք Կերտենք Մարդկութեան Ստեղծիչին Հանդէպ
1 Մարդոց մեծամասնութիւնը որոշ եզրակացութեան մը հասած է կեանքին ծագումին առնչութեամբ։ Դժբախտաբար, շատեր սխալ ազդեցութեան ներքեւ ընդունած են բարեշրջութիւնը որպէս պատասխանը։ Ստեղծագործութիւն գիրքը խորաթափանց ակնարկ մը կը նետէ հարցին երկու կողմերուն վրայ եւ ջախջախիչ ապացոյց կը ներկայացնէ թիկունք կանգնելով Աստուածաշունչին։ Ինչպէ՞ս կրնանք անկեղծ անհատներու օգնել որոնք մտիկ ընելու կամեցողութիւն ցուցաբերած են։ Վերայցելութիւններ ընելով։ Երբ կը վերադառնանք, միշտ լաւ կ’ըլլայ որ ըսելիք որոշ բան մը ի մտի ունենանք, որ հաւատք պիտի կերտէ Եհովայի հանդէպ որպէս մեր Ստեղծիչը։ Թող վերադառնանք պատրաստ ըլլալով վերոյիշեալ յօդուածին բացումներէն մէկը գործածելու։
2 Եթէ անհատը կը հաւատայ Աստուածաշունչին, այս մօտեցումը կրնայ ազդեցիկ ըլլալ ձեր խօսակցութիւնը սկսելու համար.
◼ «Եսայեայ 45։18–ը զօրեղ արտայայտութիւն մը կը ներկայացնէ տիեզերքին ծագումին մասին. կը փափաքիմ գիտնալ թէ ի՛նչ կը խորհիք անոր մասին։ [Կարդացէք ու թոյլ տուէք որ մեկնաբանէ։] Եհովա ինքզինք կը բնորոշէ որպէս երկնքի ու երկրի Ստեղծիչը։ Ի՞նչ ըսենք կեանքի մասին հոս երկրի վրայ։ Եսայեայ 42։5–ը անոր առնչութեամբ ալ իրեն ամբողջ վարկը կը վերագրէ։ [Կարդացէք։] Եթէ Աստուածաշունչին ըսածը ճշմարիտ է, բարեշրջութիւնը պէտք է սխալ ըլլայ։ Կը զգա՞ք թէ կրնաք Աստուածաշունչին վստահիլ»։ Ակնարկեցէք Ստեղծագործութիւն գրքին 17–րդ գլուխին եւ ցոյց տուէք յաւելեալ պատճառներ հաւատք ունենալու Եհովայի հանդէպ որպէս Ստեղծիչը։
3 Կրնաք ձեր խօսակցութիւնը սկսիլ ասոր նման բանով մը.
◼ «Վերջին այցելութեանս ատեն այս հարցումը յարուցուեցաւ. Մարդուն ու երկրագունդին ապագան ի՞նչ է։ Նկատեցէք թէ ինչպէս ձեզի խոստացած Ստեղծագործութիւն գիրքը կը պատասխանէ այդ հարցումին»։ Բացէք 234-5–րդ էջերը եւ զինք քաջալերեցէք որ կարդայ 6 եւ 7–րդ պարբերութիւնները։ Եթէ յաւելեալ հետաքրքրութիւն յայտնաբերուի, կրնաք հարցնել. «Ըստ ձեր կարծիքին, շշմեցուցիչ ի՞նչ փոփոխութիւններ տեղի պիտի ունենան երկրի վրայ»։ Եթէ յարմար է, կրնաք այս կէտը քննարկել այդ ատեն կամ ձեր յաջորդ այցելութեան, շարունակելով նկատի առնել ուրիշ պարբերութիւններ Ստեղծագործութիւն գրքին այս նոյն գլուխին մէջ։
4 Եթէ թուի որ տանտէրը որոշ չափով կրօնական հակում ունի, կրնաք հարցնել.
◼ «Նկատա՞ծ էք որ շատ մը մարդիկ այսօր վարկը կը վերագրեն ոչ անձնական բնութեան մը կամ Մայր Բնութիւն կոչուած անձնաւորումի մը, թէ մէջտեղ բերաւ մեր առաջին նախահայրերը։ [Առիթ տուէք որ պատասխանէ։] Աստուածաշունչը մեզի խաւարի մէջ չի ձգեր իրական Ստեղծիչին առնչութեամբ»։ Կարդացէք Ծննդոց 1։27–ն։ Համարը կարդալէ ետք, տանտէրը կարելի է որ ինքզինք արտայայտէ։ Ապա կրնաք ուշադրութեան յանձնել մէկ կամ երկու մասնայատուկ կէտեր Ստեղծագործութիւն գրքէն, գլուխ 7, պարբերութիւն 19-22։
5 Ուրիշ կերպ մը որով կրնաք վերայցելութիւնը սկսիլ.
◼ «Մարդկութիւնը շատ ցաւ ու տառապանք քաշած է չարութեան ու ամբարշտութեան պատճառաւ։ Եհովա՝ այս երկրին Ստեղծիչը՝ խոստացած է որ այս վիճակները վերջ մը պիտի ունենան։ [Բացէք էջ 196 եւ կարդացէք Առակաց 2։21, 22։] Անոնք որոնք զինք կ’ընդունին որպէս իրենց Արարիչը եւ իր կամքը կը կատարեն, կրնան սքանչելի օրհնութիւններ ակնկալել»։ Եթէ յարմար է այդ ատեն, շարունակեցէք նկատի առնելով Յայտնութիւն 21։4, 5–ը, էջ 197-8–ին վրայ։
6 Փորձառու հրատարակիչներ տեսած են որ լաւագոյն բանն է յայտագրել որոշ ժամանակներ վերայցելութիւններուն համար։ Այս գործին համար հաստատ կարգադրութիւններ ունենալը պիտի օգնէ մեզի որ հետաքրքրութիւնը արագօրէն հետապնդենք։ Որոշեցէք այն ժամանակը որ լաւագոյնն է թէ՛ ձեզի եւ թէ թաղամասին մէջ եղող մարդոց։ Այս գործին կանոնաւորաբար մասնակցելով, ուրախ պիտի ըլլաք կատարելով ‘աշակերտելու’ յանձնարարութիւնը։—Մատթ. 28։19, 20