Հարցումի Տուփ
◼ Մկրտուած բոլոր հրատարակիչները պէ՞տք է առողջապահական փոխանորդագրի թղթիկները լեցնեն, զորս Ընկերութիւնը անցեալ տարի բոլոր ժողովքներուն յղեց։
«Ժամանակ ու դիպուած» կրնան յանկարծ մեզ մատնել Եհովայի հանդէպ մեր ուղղամտութիւնը փորձող վիճակներու։ (Ժող. 9։11) Այսպիսի մարտահրաւէրներու համար առաջուընէ պատրաստուիլը պիտի նուազեցնէ Սատանայի պատեհութիւնը որ մղէ մեզ զիջում ընելու։ (Առ. 22։3. Ա. Պետ. 5։8) Մեր ուղղամտութեան վրայ Սատանայէ ներշնչուած յարձակումներու մէկ օրինակն են բժշկական աննախատեսելի ստիպողական վիճակները, որոնք ‘արիւնէ ետ կենալ’ու մեր որոշումին ասպարէզ կը կարդան։—Գործք 15։28, 29
Այսպիսի բժշկական վիճակներու մէջ օգնութիւն ստանալու համար, Դեկտեմբեր 1994–ին Ընկերութեան օրինական բաժինին կողմէ Միացեալ Նահանգներու մէջ բոլոր ժողովքները առողջապահական փոխանորդագրի թղթիկներ ստացան։ Նահանգային ու դաշնակցային յարմար օրէնքներ գործածելով, այս թղթիկները կ’ակնկալեն վերոյիշեալ բժշկական ստիպողական վիճակները եւ օրինական հեղինակութեան կ’ակնարկեն, այն դատաւորներու եւ հիւանդանոցի փաստաբաններու համար որոնք արեան մեր մերժումը կը հարցաքննեն կամ անոր ասպարէզ կը կարդան։ Ասկէ զատ, այս թղթիկները բժշկական մանրամասն տեղեկութիւններ կը ներկայացնեն արեան մասնիկներուն, փոխընտրական անարիւն դարմանումին եւ կեանքին վերջ դնելու որոշումին մասին։
Մկրտուած բոլոր հրատարակիչները պէ՞տք է առողջապահական փոխանորդագրի թղթիկները լեցնեն։ Ինչպէս Դեկտեմբեր 1994 Մեր Թագաւորութեան Ծառայութիւնը թերթիկին ծանուցումը ըսաւ, «Հրատարակիչները այս թղթիկները լեցնելու պարտաւորուած չեն»։ Արդ, անիկա անձնական որոշում մըն է, զոր ամէն մէկս պէտք է առնէ։ Սակայն, Ընկերութեան այս կարգադրութեան առնչութեամբ որոշում առնելու ատեն, պէտք է վստահ ըլլանք որ մեր լաւագոյնը ըրած ենք Աստուած անպատուող արեան ներարկումէն մենք մեզ հեռու պահելու։—Առ. 9։9
Ինչպէս նշուած է Դեկտեմբեր 1994 Մեր Թագաւորութեան Ծառայութիւնը թերթիկին մէջ, հրատարակիչները իրենց ժողովքի քարտուղարէն կրնան այս փոխանորդագրի թղթիկները ձեռք ձգել, ինչպէս նաեւ՝ տպուած յարակից հարցումներ ու պատասխաններ։