«Պիտի Ըլլա՞յ Ժամանակ մը որ Բոլոր Մարդիկ Իրար Սիրեն»
1 Գեղեցիկ, ոգեւորիչ եւ սիրտ տոգորող պատգամ մը պիտի ծանուցանուի համայն աշխարհի մէջ, 169 լեզուներով։ Այս պատգամը ի՞նչ է եւ ի՛նչպէս պիտի ներկայացուի։
2 Պատգամը դրացիական սիրոյ մասին է։ Անիկա կը գտնուի Թագաւորութեան Լուրեր Թիւ 35 թերթիկին մէջ, «Պիտի Ըլլա՞յ Ժամանակ մը որ Բոլոր Մարդիկ Իրար Սիրեն» խորագրով։ Այս Թագաւորութեան Լուրեր թերթիկը հակիրճօրէն կը քննէ աշխարհի չորս կողմը տիրող իրերու ներկայ կացութիւնը, ցոյց տալով որ այսքան շատ վիշտերու եւ ցաւերու արմատական պատճառը մարդոց մէջ սիրոյ պակասն է։ Անիկա ցոյց կու տայ թէ ինչո՛ւ յատկապէս մեր օրերուն դրացիական սէրը պաղած է եւ ասիկա ի՛նչ կը նշանակէ ապագայի նկատմամբ։
3 Միեւնոյն ժամանակ, Թագաւորութեան Լուրեր Թիւ 35 թերթիկը ցոյց կու տայ որ իսկական դրացիական սէր գոյութիւն ունի ներկայիս աշխարհի մէջ ապրող միլիոնաւոր անհատներու միջեւ։ Անիկա կը բնորոշէ զանոնք, որոնք բաժին կը բերեն նախնական Քրիստոնէութեան վերականգնման մէջ. առաջին դարու պաշտամունքը, որ յատկանշուած էր Յիսուս Քրիստոսի սորվեցուցած դրացիական սիրով։—Ղուկ. 10։25-37
4 Թագաւորութեան Լուրեր Թիւ 35 թերթիկը կ’եզրափակէ բացատրելով թէ ի՛նչպէս ամբողջ մարդկային աշխարհը շուտով դրացիական սէր ի գործ պիտի դնէ, Քրիստոսի կողմէ ղեկավարուած Աստուծոյ Թագաւորութեան վարչութեան ներքեւ։ Պատգամը ընթերցողներուն քաջալերութիւն տրուած է որ Աստուած Ի՛նչ կը Պահանջէ Մեզմէ գրքոյկը ձեռք ձգեն ու սորվին ի՛նչպէս մաս կազմել այս երկրածաւալ սիրալիր կարգադրութեան, որ մանրամասն նկարագրուած է Աստուծոյ Խօսքին մէջ։
5 Ո՞վ Պիտի Ներկայացնէ Այս Պատգամը. Համայն աշխարհի մէջ Եհովայի Վկաները դրացիական սիրոյ այս պատգամը պիտի բաժնեկցին իրենց ծանօթներուն, դրացիներուն եւ ազգականներուն հետ, Հոկտեմբեր եւ Նոյեմբեր ամիսներուն ընթացքին։ Բոլոր որակելի եղողներուն քաջալերութիւն կը տրուի որ Թագաւորութեան Լուրեր Թիւ 35 թերթիկը հանրութեան բաշխելու մասնակցին։
6 Այս արշաւին բուն նպատակակէտը մարդոց հետաքրքրութիւնը գրգռել է, որ Աստուածաշունչի ուսումնասիրութիւն մը ընդունին՝ Ի՛նչ կը Պահանջէ գրքոյկով կամ Գիտութիւն գրքով։ Ասկէ զատ, Եհովայի իւրաքանչիւր ծառային սրտանց ջանքերը հոյակապ վկայութիւն մը պիտի տան մեր սիրոյ Աստուծոյն՝ Եհովայի, եւ իր Որդւոյն՝ Յիսուս Քրիստոսի, մասին։