Շրջանային Համաժողովի Նոր Յայտագիր
Սեպտեմբերէն սկսեալ, շրջանային համաժողովի յայտագրին բնաբանն է՝ «Աստուծոյ Պատուիրանքները Պահէ՛ ու Ապրիր»։ (Առ. 4։4) Անիկա պիտի շեշտէ թէ Աստուծոյ պատուիրաններուն հնազանդիլը ինչո՛ւ ծանր բեռ մը չէ։ Ասկէ զատ, անիկա ցոյց պիտի տայ թէ Աստուծոյ կամքը կատարելը ի՛նչպէս կը թարմացնէ, իսկական ուրախութիւն կը բերէ եւ ապագայի համար յոյս կու տայ։—Մատթ. 11։28-30. Յովհ. 13։17
Քրիստոսի պատուէրին հնազանդելով համաժողովին մկրտուիլ փափաքողները, վերակացու տեսուչը տեղեակ պէտք է պահեն, իսկ ան անհրաժեշտ եղած կարգադրութիւնները պիտի ընէ։—Մատթ. 28։19, 20
Յօդուածաշարք մը պիտի բացատրէ Աստուծոյ եւ մեր եղբայրներուն հանդէպ սէր ցոյց տալու կարգ մը գործնական կերպեր։ (Յովհ. 13։34, 35. Ա. Յովհ. 5։3) Յայտագիրը պիտի պարփակէ 19–րդ եւ 119–րդ Սաղմոսներէն սրտապնդիչ խրատներ։ Թէեւ այս սաղմոսներուն բովանդակած ներշնչեալ խրատները հազարաւոր տարիներ առաջ գրուած են, պիտի տեսնենք թէ անոնք ներկայիս ի՛նչպէս մեզի օգտակար են։
Նահանգային տեսուչին կողմէ տրուելիք հանրային դասախօսութեան բնաբանն է՝ «Աստուծմէ Վախցի՛ր ու Անոր Պատուիրանքները Պահէ՛»։ (Ժող. 12։13) Շրջանային տեսուչին վերջին դասախօսութիւնը ցոյց պիտի տայ թէ պատանիներ ի՛նչպէս կեանքէն լաւագոյնս կրնան օգտուիլ հիմա, եւ ինչո՛ւ կրնան յաւիտենական ապագայի մը վրայ վստահութիւն ունենալ։ Նահանգային տեսուչը յայտագիրը կ’եզրափակէ թուելով սիրոյ «արքայական օրէնք»ին համաձայն ապրելէն քաղուած բազմաթիւ օգուտները։ (Յակ. 2։8) Արդարեւ, համաժողովի այս յայտագիրը ոչ ոք պիտի ուզէ կորսնցնել։