Պատասխանող Գործիքի մը Ի՞նչ կ’Ըսէք
Հեռաձայնը շատ գործնական միջոց մըն է վկայելու համար այն մարդոց, որոնք ընդհանրապէս տունը չենք գտներ, կամ կ’ապրին թաղամասերու մէջ, որոնք անհասանելի են։ Սակայն, հետզհետէ աւելի շատ անհատներ հեռաձայնին չեն պատասխաներ, պատասխանող գործիքը ասիկա կ’ընէ իրենց տեղ։ Երբ ասոր հանդիպիք, ի՞նչ կրնաք ընել։ Հեռաձայնը մի՛ գոցէք։ Այլ, լաւ պատրաստուած գրաւոր պատասխան մը ունեցէք եւ զայն կարդացէք հեռաձայնին վրայ։ Փորձեր ըրէք որ ասիկա հաճելի ու խօսակցական ոճով ընէք։ Ի՞նչ կրնաք ըսել։
Կրնաք տանտիրոջ ջերմ հրաւէր մը տալ, որ Թագաւորութեան Սրահին մէջ տեղի ունենալիք Հանրային Ժողովին ներկայ գտնուի։ Կրնաք ըսել. «Կը ցաւիմ որ ձեզ տունը չգտայ։ Եթէ կը փափաքիք սուրբ գրային դասախօսութիւն մը ունկնդրել հետեւեալ նիւթին շուրջ [տալ հանրային դասախօսութեան խորագիրը], բարեհաճեցէք Եհովայի Վկաներու Թագաւորութեան Սրահը գալ։ Հանրութեան դիմաց դուռը բաց է։ Բնաւ հանգանակութիւն չկայ»։ Ապա յստակօրէն ժողովին օրը եւ ժամը յիշեցէք եւ Թագաւորութեան Սրահին հասցէն կամ վայրին բացատրութիւնը տուէք։
Ուշադիր եղէք ժողովներու եկող նորեկներուն. դուք ձեզ ծանօթացուցէք եւ զգացուցէք որ բարի եկած են։ Մի՛ մոռնաք ձրի տան սուրբ գրային ուսումնասիրութիւն մը առաջարկել։