Ինչո՛ւ կը Սիրենք Մեր Եղբայրներու Ամբողջ Ընկերակցութիւնը
Ներկայ անսիրալիր աշխարհին մէջ, ի՞նչպէս կրնանք մեր հոգեւոր եղբայրներուն հանդէպ մեր սէրը վառ պահել։ (Ա. Պետ. 2։17) Ի՞նչպէս կրնանք ուրիշներու ցոյց տալ թէ մեր անկեղծ, երկրածաւալ եղբայրակցութիւնը իրապէս գոյութիւն ունի։ (Մատթ. 23։9) Մեր Եղբայրներու Ամբողջ Ընկերակցութիւնը խորագրով պատկերիզին միջոցաւ։ Անիկա ցոյց կու տայ այն պատճառները թէ ինչո՛ւ զիրար կը սիրենք։ Տեսէք եթէ կրնաք այս հարցումներուն պատասխանել.
(1) Մեր համաշխարհային եղբայրակցութեան հետ հասարակաց ո՞ր երեք գործունէութիւնները կը բաժնենք։ (2) Մեր եղբայրները ի՞նչպէս ցոյց կու տան իրենց վճռակամութիւնը քարոզելու (ա) Ալասքայի ամայի վայրերուն մէջ, (բ) Եւրոպայի հսկայ նաւահանգիստներուն մէջ, եւ (գ) Փերուի խիտ անտառներուն մէջ։ (3) Յատկապէս ի՞նչ բան վկայելու ազդու գործիք է։ (4) Ինչո՞ւ երբեք պէտք չէ խորհինք որ քարոզչութիւնը պարզապէս սովորական գործունէութիւն մըն է։ (5) Օրինակներ տուէք թէ ի՛նչպէս Եհովայի Վկաները զիրար մխիթարած եւ իրարու օգնած են նեղութեան ժամանակներուն. ինչպէս՝ երկրաշարժի, ոլորամրրիկի ու քաղաքացիական պատերազմի ատեն։ (Տես՝ Թաքաոյի եւ Քոթոյոյի խօսքերը Զարթի՛ր 22 Օգոստոս 1995, էջ 23, եւ 22 Հոկտեմբեր 1996, էջ 20–ի մէջ։) (6) Բոլորս ալ ի՞նչ գործնական կերպերով կրնանք ցոյց տալ մեր քրիստոնէական եղբայրակցութիւնը բնորոշող մեծ նշանը։ (Յովհ. 13։35) (7) Մեր քրիստոնէական ժողովները ո՞ր տարողութեամբ պէտք է արժեւորենք։ (8) Ժողվուելու համար Թագաւորութեան Սրահ մը ունենալը ի՞նչպէս կ’ազդէ անոնց, որոնք նախապէս սրահ մը չունէին։ (9) Արեւելեան Եւրոպայի եւ Ռուսաստանի մէջ մեր եղբայրները հոգեւորապէս ի՞նչպէս տոկացին, երբ արգելքի տակ էին։ (10) Նոյնիսկ այսօր, շատ մը Վկաներ ի՞նչ արտակարգ ջանք կը թափեն համաժողովներու ներկայ գտնուելու համար, եւ ինչո՛ւ։ Ասիկա ի՞նչպէս ձեր սրտին դպած է։ (11) Ինչո՞ւ վճռած էք միութեամբ պաշտամունք մատուցանել, նեղութեան ժամանակ ուրիշներուն օգնել, եւ հաւատարմօրէն քարոզել ո՛ւր եւ ի՛նչպէս որ կրնաք։ (12) Ինչո՞ւ լաւ պիտի ըլլար այս պատկերիզէն անձնական օրինակ մը ունենալ եւ զայն ցոյց տալ կարելի եղածին չափ մեծ թիւով հետաքրքրուած անհատներու։