Կարգադրութիւններ՝ Մեզի Օգնելու որ Արիւնէ Ետ Կենանք
Մկրտուած հրատարակիչներ, որոնք նախապէս ամբողջացուցած են Բժշկական Կանխայայտ Ցուցմունք/Անպարտագիր քարտը կամ Անձնագիրը՝ որ տպագրութեան թուական չի կրեր կամ որուն տպագրութեան թուականը 3/99 է, այս տարի նոր քարտ մը լեցնելու հարկ պիտի չունենան։ Դեկտեմբեր 29–ով սկսող շաբթուան Ծառայութեան Ժողովին համար, քարտուղարը այս քարտերէն բաւարար քանակ մը մատչելի պէտք է դարձնէ նոր մկրտուած հրատարակիչներուն, անոնց երախաներուն, եւ փոխելու կարիքը ունեցողներուն։ Այս քարտերը ժողովքներուն պիտի չղրկուին։ Եթէ ժողովքը քարտերէն բաւարար քանակ մը չունի, քարտուղարը կրնայ մօտակայ ժողովքներէն զանոնք խնդրել, կամ՝ ժողովքի յաջորդ գրականութիւններու ապսպրանքին միջոցով յաւելեալ քարտեր խնդրել։
Քարտերը ուշադրութեամբ պէտք է լեցուին տունը, բայց ՊԷՏՔ ՉԷ ստորագրուին։ Ձեր ու վկաներուն ստորագրութիւնը եւ թուական դնելը պէտք է ըլլան յաջորդ Ժողովքի Գիրքի Ուսումնասիրութեան ժողովին, գիրքի ուսումնասիրութեան տեսուչին օգնութեամբ, եթէ հարկ ըլլայ։ Որպէս վկաներ ստորագրողները պէտք է տեսնեն քարտին տիրոջ ստորագրելը։
Հրատարակիչները պէտք չունին առողջապահական մնայուն փոխանորդագրի (DPA) նոր պատճեն մը լեցնելու, բացի եթէ (1) իրենց ունեցած պատճենին թուականը 1/2001–էն առաջ է (12/2002 Ալապամայի համար. 8/2001 Նորթհ Տաքոթայի համար), (2) անիկա իրենց ընթացիկ փափաքը չ’արտացոլացներ, կամ (3) իրենք ուրիշ նահանգ փոխադրուած են։ Քարտուղարը նաեւ DPA պատճենէն եւ Կանխայայտ Ուղեցոյցէն բաւարար քանակ պէտք է ունենայ։
Չմկրտուած հրատարակիչները կրնան իրենց ու իրենց զաւակներուն համար անձնապէս ցուցմունքներ գրել, Բժշկական Կանխայայտ Ցուցմունք/Անպարտագիր քարտին, Անձնագիր քարտին եւ DPA պատճենին գործածած շարադրութիւնը յարմարցնելով։