Նոր Կարգադրութիւն՝ Մեզի Օգնելու որ Արիւնէ Ետ Կենանք
Կառավարիչ Մարմինը ընդունեց Մնայուն Փոխանորդագրի (ՄՓ) փաստաթուղթին եւ Բժշկական Կանխայայտ Ցուցմունք/Անպարտագիր քարտին ամենակարեւոր կէտերը միացնել օրինական մէկ փաստաթուղթի մէջ, որուն ընդհանրապէս պիտի ակնարկենք որպէս ՄՓ քարտ։ Իւրաքանչիւր նահանգի համար ՄՓ քարտ մը պատրաստուած է։ Իսկ ՄՓ քարտին խորագիրը նահանգէ նահանգ կը տարբերի։
Պէտք է լեցնես միայն այն ՄՓ քարտը որ բնակած նահանգիդ համար պատրաստուած է։ ՄՓ քարտը միշտ ի զօրու է ամէնուրեք Միացեալ Նահանգներուն մէջ, եւ պիտի ծառայէ որպէս փափաքներուդ հաստատում, երբ արտասահման ճամբորդես։ Ապագային նոր ՄՓ քարտ մը պիտի լեցնես, միայն եթէ (1) ՄՓ քարտիդ մէջ փոփոխութիւն պիտի մտցնես, ինչպէս՝ փոխել փափաքներդ, առողջապահական գործակալները, հասցէները եւ հեռախօսի թիւերը, կամ (2) ՄՓ քարտդ կորսուի կամ փճանայ։
ՄՓ քարտը ջերմեռանդ աղօթքով նկատի առ եւ ուշադրութեամբ լեցուր տան մէջ։ Սակայն քարտը ստորագրելէ առաջ, կարեւոր է որ սերտօրէն հետեւիս օրինական գործընթացին։ Օրինակ, եթէ քարտդ կ’ըսէ որ երկու վկաներ ստորագրելդ պէտք է տեսնեն, ուրեմն անոնց ներկայութեան պէտք է ստորագրես զայն։ Գիրքի ուսումնասիրութեան տեսուչները կրնան օգնելու միտումով պարբերաբար խօսիլ անոնց հետ որ նոր քարտ չեն լեցուցած։
ՄՓ քարտը ծալլելէ առաջ, անոր լաւորակ լուսապատճեններ ըրէ առողջապահական գործակալիդ, առողջապահական երկրորդ գործակալիդ, բժիշկիդ եւ անձնական արձանագրութիւններուդ համար։ Թերեւս փափաքիս նաեւ ընտանիքի միւս անդամներուն ու ժողովքի քարտուղարին լուսապատճեններ տալ։ Լուսապատճենին համար թուղթին մէկ երեսը գործածէ, ՄՓ քարտը անոր մէջտեղը ըլլալով։ Միշտ հետդ թող ըլլայ բուն ՄՓ քարտը, եւ ոչ թէ անոր լուսապատճենը։
Վկայ ծնողներու չմկրտուած զաւակներուն յատուկ 3/99 թուակիր Անձնագիր–ը չէ փոխուած։ Ծնողներ պէտք է վստահ ըլլան թէ իւրաքանչիւր երախայի համար քարտ մը լեցուած ու ստորագրուած է եւ թէ երախան յարմար ժամանակներուն զայն կը կրէ։
Չմկրտուած հրատարակիչները կրնան ՄՓ քարտին ու Անձնագիր–ին ոճին համաձայն գրել առողջապահական ուղղութիւններ՝ իրենց եւ իրենց զաւակներուն համար։ Քարտուղարը տարուան ընթացքին նոր մկրտուած հրատարակիչներուն պէտք է տայ ՄՓ քարտը։