Ներկայացումի Նմոյշները Ի՛նչպէս Գործածել
1. Հայթայթուած ներկայացումի նմոյշները ի՞նչպէս պէտք է նկատենք։
1 Մեր պարբերաթերթերը եւ միւս գրականութիւնները ներկայացնելու համար, Մեր Թագաւորութեան Ծառայութիւնը թերթիկին մէջ կանոնաւորաբար լոյս կը տեսնեն ներկայացումի նմոյշներ։ Երբ ծառայութեան մասնակցինք, այս թելադրուած ներկայացումները բառ առ բառ պէտք չէ կրկնենք։ Անոնք պարզապէս մեզի ընդհանուր գաղափար մը կու տան թէ ի՛նչ կրնանք ըսել։ Սովորաբար աւելի ազդու պիտի ըլլանք եթէ ներկայացումները մեր բառերով ըսենք։ Մեր կողմէ բնական կերպով արտայայտուիլը կը հանգստացնէ տանտէրը եւ անկեղծութիւն ու համոզում կը յայտնէ։—Բ. Կորն. 2։17. Ա. Թես. 1։5
2. Ներկայացումներ պատրաստելու ժամանակ, ինչո՞ւ տեղական սովորութիւնները նկատի պէտք է առնենք։
2 Ներկայացումդ Յարմարցուր. Տեղական սովորութիւնները մեծապէս կ’ազդեն բարի լուրը ներկայացնելու մեր կերպին։ Կրնա՞ս բարեւ տալ–առնելէ ետք ներկայացումդ գործածել, թէ ոչ թաղամասիդ մէջի մարդիկը կ’ակնկալեն որ անմիջապէս նիւթին անցնիս։ Ասիկա տեղէ տեղ կը տարբերի եւ երբեմն՝ նոյնիսկ անհատէ անհատ։ Հարցումներու գործածութիւնն ալ խորատեսութիւն կը պահանջէ։ Որոշ շրջաններու մէջ յարմար եղող հարցումները կրնան այլուր մարդոց նեղութիւն պատճառել։ Ուստի լաւ դատողութիւն պէտք է գործածենք եւ մեր ներկայացումները տեղական թաղամասին յարմարցնենք։
3. Մեր հանդիպած անհատներուն ենթահողն ու մտածելակերպը ինչո՞ւ պէտք է նկատի առնենք։
3 Ասկէ զատ, երբ դաշտի ծառայութեան կը պատրաստուինք, հաշուի պէտք է առնենք մեր թաղամասին մէջ եղող մարդոց ենթահողն ու մտածելակերպը։ Օրինակ, Մատթէոս 6։9, 10–ն հաւանաբար որոշ կերպով կը քննարկես երբ դիմացինը թունդ Կաթողիկէ մըն է, իսկ տարբեր կերպով՝ երբ անհատը «Հայր Մեր»ին ծանօթ չէ։ Առաջուընէ մտածելով, յաճախ կրնանք մեր ներկայացումները յարմարցնել, այնպէս որ ծառայութեան մէջ մեր հանդիպած մարդոց աւելի գրաւիչ ըլլան։—Ա. Կորն. 9։20-23
4. Լաւ նախապատրաստութիւնը ինչո՞ւ էական է։
4 Նոյնիսկ երբ ծրագրենք ներկայացումի նմոյշ մը բառացիօրէն քիչ թէ շատ գործածել, տակաւին լաւ պատրաստութիւնը անհրաժեշտ է։ Ուշադրութեամբ պէտք է կարդանք մեր ներկայացնելիք յօդուածը կամ գլուխը, եւ հետաքրքրութիւն շարժող կէտեր փնտռենք։ Ապա զանոնք ներկայացումին մէջ պարփակենք։ Միայն մեր գրականութիւններուն բովանդակած ընտիր տեղեկութիւններուն քաջածանօթ ըլլալով, կրնանք զանոնք խանդավառութեամբ ներկայացնել։
5. Ինչո՞ւ կրնանք տարբեր ներկայացում մը պատրաստել, եւ ի՛նչպէս։
5 Այլ Մօտեցումներ. Միայն ներկայացումի նմոյշներուն ցոյց տուած մօտեցումնե՞րը պէտք է գործածենք։ Ո՛չ։ Կրնա՛ս աւելի դիւրին մօտեցում մը կամ տարբեր համար մը գործածել։ Յատկապէս օգտագործէ պարբերաթերթերուն երկրորդական յօդուածները, որոնք կրնան թաղամասիդ մէջ հետաքրքրութիւն արթնցնել։ Երբ Ծառայութեան Ժողովին մէջ դաշտի ծառայութեան ներկայացումներ պիտի ցուցադրուին, կարելի է ընտրել այն մօտեցումները որ տեղական թաղամասին մէջ յաջողութիւն կը գտնեն։ Այս կերպով բոլորն ալ օգնութիւն կը ստանան որ բարի լուրը ազդուօրէն ներկայացնեն։