Յիշատակատօնի վերաբերեալ յիշեցումներ

Այս տարի Յիշատակատօնի տօնակատարութիւնը տեղի պիտի ունենայ Չորեքշաբթի՝ Ապրիլ 12–ին։ Երէցները հետեւեալ կէտերուն ուշադրութիւն պէտք է ընծայեն.

◼ Տօնակատարութեան ժամը որոշելու ատեն, վստահ եղէք որ խորհրդանիշները արեւնամուտէն ետք պիտի հրամցուին։

◼ Բոլորը, դասախօսն ալ ներառեալ, տօնակատարութեան ճիշդ ժամէն ու վայրէն տեղեակ պէտք է ըլլան։

◼ Առիթին յարմար հացն ու գինին պէտք է ձեռք ձգուին ու պատրաստ ըլլան։—Տես՝ Դիտարան 1 Մարտ 2003, էջ 10-11։

◼ Յարմար սեղան, սփռոց, ամաններ ու գաւաթներ, նախապէս սրահ պէտք է բերուին ու իրենց տեղերը դրուին։

◼ Թագաւորութեան Սրահը կամ այլ ժողովասրահ, կանխաւ ամբողջովին պէտք է մաքրուի։

◼ Հիւրընկալները եւ խորհրդանիշները հրամցնողները նախապէս պէտք է ընտրուին ու անոնց հրահանգներ տրուին իրենց պարտականութիւններուն, հետեւելիք յարմար գործելակերպին, եւ վայելուչ հագուելակերպի ու յարդարանքի կարիքին նկատմամբ։

◼ Կարգադրութիւններ պէտք է ըլլան խորհրդանիշները հրամցնելու ոեւէ օծեալի, որ անկողինի դատապարտուած է ու չի կրնար ներկայ գտնուիլ։

◼ Եթէ մէկէ աւելի ժողովքներ պիտի գործածեն նոյն Թագաւորութեան Սրահը, ժողովքներուն միջեւ լաւ համագործակցութիւն պէտք է ըլլայ, որպէսզի նախասրահին կամ մուտքին մէջ, մայթերու վրայ եւ կառատան մէջ անհարկի խճողում չըլլայ։