Ինչպէ՛ս գործածել Հաճեցէք այցելել (S-43) պատճէն

Այս պատճէն պէտք է լեցնես, երբ գտնես հետաքրքրուած անհատ մը, որ ժողովքիդ թաղամասին մէջ չ’ապրիր կամ օտարախօս է։ Նախապէս զայն կը գործածէինք, երբ կը հանդիպէինք հետաքրքրուած կամ չհետաքրքրուած օտարախօսի մը, բայց այժմ զայն կը գործածենք միայն եթէ անհատը հետաքրքրութիւն յայտնէ։ Միակ բացառութիւնը՝ եթէ անհատը խուլ է։ Երբ խուլ անհատի մը հանդիպինք, հետաքրքրուի՛ թէ ոչ, պէտք է S-43 պատճէն լեցնենք։

Պատճէն լեցնելէ ետք, զայն ժողովքի քարտուղարին պէտք է յանձնենք։ Ան յարմար ժողովքի երէցներուն կ’ուղարկէ զայն, որպէսզի ցուցաբերուած հետաքրքրութեան հոգ տանին։ Իսկ եթէ ան չգիտնայ թէ ո՛ր ժողովքին ուղարկէ զայն, կը յանձնէ պատճէն մասնաճիւղին։

Եթէ հետաքրքրուած օտարախօսը կը բնակի ժողովքիդ թաղամասին մէջ, կրնաս անոր վերայցելել ու հետաքրքրութիւնը մշակել մինչեւ որ իրեն հետ կապ պահէ իր լեզուն խօսող ժողովքէն հրատարակիչ մը (տե՛ս նոյեմբեր 2009–ի Մեր Թագաւորութեան ծառայութիւնը թերթիկը, էջ 4)։