Ինչպէ՛ս գործածել՝ Ներկայիս Եհովայի կամքը որո՞նք կը կատարեն գրքոյկը
Այս նոր գրքոյկը պատրաստուած է Աստուածաշունչի աշակերտները կազմակերպութեան ուղղելու
1. Եհովայի կամքը գրքոյկին երեք նպատակները ի՞նչ են։
1 Սկսա՞ր գործածել՝ Ներկայիս Եհովայի կամքը որո՞նք կը կատարեն գրքոյկը։ Այս նոր գրքոյկին նպատակն է՝ ա) Աստուածաշունչի ուսումնասիրութիւններուն ծանօթացնել Եհովայի վկաները, բ) օգնել որ մեր գործունէութիւններուն մասին գիտնան եւ գ) ցոյց տալ թէ մեր կազմակերպութիւնը ինչպէ՛ս կը գործէ։ Եհովայի կամքը գրքոյկը կը բովանդակէ մէկ էջնոց դասեր, որոնք կարելի է դիւրութեամբ ծածկել հինգէն տասը վայրկեանի մէջ, իւրաքանչիւր դասի աւարտին։
2. Այս գրքոյկը ինչպէ՞ս ձեւաւորուած է։
2 Ինչպէ՛ս պատրաստուած է։ Գրքոյկը երեք մասերէ բաղկացած է, որոնցմէ իւրաքանչիւրը կը խօսի վերը նշուած Եհովայի կազմակերպութեան տարբեր երեսակի մը մասին։ Բոլոր 28 դասերուն վերնագիրները հարցումներ են, որոնց պատասխանները տրուած են սեւատիպ ենթավերնագիրներով։ Գրքոյկը կը բովանդակէ աւելի քան 50 երկիրներէ առնուած նկարներ, մեր միջազգային գործունէութեան տարողութիւնը ցոյց տալու համար։ Դասերէն ոմանք ունին «Աւելի՛ն գիտնալու համար» շրջանակներ. անոնք թելադրանքներ են որ կրնաս աշակերտդ քաջալերել կատարելու։
3. Ինչպէ՞ս կրնանք գործածել Եհովայի կամքը գրքոյկը։
3 Ինչպէ՛ս կրնաս գործածել զայն։ Նա՛խ տանտիրոջ ուշադրութեան յանձնէ դասին վերնագիրը։ Ետքը, մինչ միասնաբար դասը կը կարդաք, աչքառու դարձուր սեւատիպ ենթավերնագիրները։ Վերջաւորութեան, էջին վարը գտնուող վերաքաղի հարցումները նկատի առ։ Կրնաս դասը ամբողջութեամբ կամ մասերու բաժնելով կարդալ ու քննարկել։ Դատողութիւնդ գործածէ որոշելու, թէ ո՛ր նշուած համարները պիտի կարդաս։ Մի մոռնար նկատի առնելու նկարներն ու «Աւելի՛ն գիտնալու համար» շրջանակները։ Ընդհանուր առմամբ, դասերը շարքով պէտք է քննարկուին։ Բայց եթէ որոշ նիւթ մը քննարկելու կարիքը կայ, ազա՛տ զգա ուրիշ դաս մը ընտրելու։ Օրինակի համար, եթէ մօտերս համաժողով մը տեղի պիտի ունենայ, կրնաս ուղղակի 11–րդ դասին անցնիլ։
4. Ինչո՞ւ ուրախ ես որ այս նոր գործիքը ունիս։
4 Երբ մէկու մը հետ Աստուածաշունչը կ’ուսումնասիրենք, իրեն կ’օգնենք որ մեր երկնաւոր Հօր ծանօթանայ։ Սակայն իրեն նաեւ պէտք է սորվեցնենք Եհովայի կազմակերպութեան մասին (Առ. 6։20)։ Որքա՜ն ուրախ ենք որ մեր ձեռքերուն մէջ ունինք այս նոր գործիքը, որ մեզի կը դիւրացնէ ասիկա ընելը։