Ներկայացումի նմոյշներ
Յիշատակատօնի հրաւիրագրին արշաւին համար
«Մենք շատ կարեւոր առիթի մը հրաւիրագիրը կը բաշխենք։ Ապրիլ 14–ին, աշխարհի տարածքին միլիոնաւորներ պիտի հաւաքուին՝ յիշատակելու Յիսուս Քրիստոսի մահը եւ ունկնդրելու սուրբ գրային դասախօսութիւն մը, որ ցցուն կ’ընէ թէ ինչպէ՛ս կրնանք անոր մահէն օգտուիլ։ Մուտքը ձրի է։ Հրաւիրագրին վրայ նշուած են ժամն ու վայրը»։
Դիտարան 1 ապրիլ
«Մեր այցելութեան նպատակն է՝ ձեր կարծիքը առնել հետեւեալ նիւթին շուրջ։ Գրեթէ ամէն մարդ, ի՛նչ կրօնքի ալ պատկանի, կ’աղօթէ։ Կը կարծէ՞ք թէ Աստուած աղօթքները կը լսէ, թէ ոչ աղօթքները մեր խնդիրներէն հանգստանալու կերպ մըն են։ [Թոյլ տուր որ պատասխանէ։] Նկատի առէք թէ Աստուածաշունչը աղօթքի մասին ի՛նչ կ’ըսէ։ [Կարդա՛ Ա. Յովհաննէս 5։14։] Այս պարբերաթերթը կը բացատրէ, թէ աղօթքը ինչպէ՛ս մեզի կ’օգտէ»։
Զարթի՛ր ապրիլ
«Կայ խնդիր մը, որ շատ սովորական դարձած է։ Ոմանց կեանքի պարագաները ա՛յնքան զիրենք կը ջախջախեն, որ անձնասպան ըլլալու մասին կը մտածեն։ Երբ անհատ մը ծայր աստիճան յուսահատած ըլլայ, կը կարծէ՞ք թէ ան ի՛րապէս կ’ուզէ մեռնիլ, թէ ոչ պարզապէս կ’ուզէ իր տառապանքէն հանգստանալ։ [Թոյլ տուր որ պատասխանէ։] Նկատի առէք Աստուածաշունչի այս խոստումը, որ շատերու օգնած է որ դրականօրէն մտածեն։ [Կարդա՛ Յայտնութիւն 21։3, 4։] Այս պարբերաթերթը կու տայ երեք տրամաբանական պատճառներ, թէ անհատ մը ինչո՛ւ պէտք է կառչի կեանքին, հակառակ իր դիմագրաւած դժուարութիւններուն»։