Հանրային վկայութեան հետաքրքրաշարժ եւ նոր մօտեցում մը

1. Այն ժողովքները, որոնց թաղամասին մէջ կան մարդոցմով խճողուած շրջաններ, քաջալերութիւն ստացած են ի՞նչ ընելու։

¹ Այն ժողովքները, որոնց թաղամասերուն մէջ կան մարդոցմով խճողուած շրջաններ, քաջալերութիւն ստացած են կազմակերպելու հանրային վկայութիւն մը՝ գործածելով ցուցասեղաններ կամ հրատարակութիւններու սայլակներ։ Եթէ սայլակներ գործածուին, առնուազն հրատարակիչ մը կը կայնի կամ կը նստի սայլակին մօտ։ Իսկ ցուցասեղաններու գործածութեան պարագային երկու հրատարակիչներ պէտք է անոնց մօտ ըլլան։ Այս մեթոտները գործածող հրատարակիչները կը ջանան ջերմ եւ բարեկամական ըլլալ։ Եթէ անհատ մը հետաքրքրութիւն ցուցաբերէ, հրատարակիչներէն մէկը կրնայ զրոյցը սկսիլ՝ թերեւս ըսելով. «Երբեք հարց տուա՞ծ էք թէ Աստուածաշունչը ի՛նչ կ’ըսէ այս հարցին շուրջ»։ Ուրիշ հրատարակիչ մը կամ երկու հրատարակիչներ կրնան ցուցասեղաններուն կամ սայլակներուն մօտ ըլլալ, մինչ անպաշտօն վկայութեան կը մասնակցին։

2. Պատմէ փորձառութիւն մը, որ հանրային վկայութեան մէջ հրատարակութիւններ ցուցադրելու արժէքը կը լուսաբանէ։

² Այս մօտեցումին առ ի արդիւնք՝ Աստուածաշունչի բազմաթիւ նոր ուսումնասիրութիւններ սկսան։ Համալսարանական մը ուզեց Եհովայի վկաներուն մասին նիւթ մը պատրաստել, բայց չկրցաւ Թագաւորութեան սրահ մը գտնել։ Յաջորդ շաբաթ համալսարանի բակին մէջ ցուցասեղան մը տեսաւ։ Ան սկսաւ Աստուածաշունչը ուսումնասիրել եւ այժմ մկրտուած հրատարակիչ մըն է եւ վկայութեան այս մեթոտը կը գործածէ։

3. Ոմանք հանրային վկայութեան այս մօտեցումին հանդէպ ինչպէ՞ս կը զգան։

³ Քոյր մը որ այս ձեւի հանրային վկայութենէն հաճոյք կ’առնէ ըսաւ. «Ոմանք կանգ կ’առնեն ընթացիկ պարբերաթերթերը առնելու համար։ Ուրիշներ բնաւ չեն լսած Եհովայի վկաներուն մասին։ Կը նկատեմ թէ այս մօտեցումին շնորհիւ շատերու կրնանք հասնիլ»։ Ուրիշ քոյր մը ըսաւ. «Վկայութեան այս մեթոտը հետաքրքրաշարժ եւ նոր է, քանի որ մարդիկ քեզի կու գան. եթէ հետաքրքրուած չըլլան իսկ՝ անոնք հարցուփորձ ընող անհատներ են»։

4. Ինչո՞ւ օգտակար է ցուցասեղանները կամ սայլակները ամէն շաբաթ զետեղել նոյն տեղը եւ նոյն ժամերուն։

⁴ Օգտակար է ցուցասեղանները կամ սայլակները ամէն շաբաթ զետեղել նոյն տեղը, նոյն օրերուն եւ նոյն ժամերուն։ Առ ի արդիւնք, մարդիկ կը վարժուին զանոնք տեսնելու, եւ ի վերջոյ հանգիստ կը զգան մօտենալու եւ հարցումներ ուղղելու կամ հրատարակութիւն առնելու։ Ժողովքդ հանրային վկայութիւն կազմակերպա՞ծ է։ Եթէ այո՛, ամէնուրեք ‘Աստուծոյ թագաւորութիւնը քարոզելու’ այս հոյակապ եւ արդիւնաբեր մեթոտը կրնաս գործածել (Ղուկ. 9։60)։