Եհովային բարոյական չափանիշները բարձր պահէ

Եհովա Աստուած մարդոց համար բարոյականութեան չափանիշ կը դնէ։ Օրինակ, ան պատուիրած է որ ամուսնութիւնը մնայուն կապ ըլլայ ամուսինին եւ կնոջ միջեւ (Մատ. 19։4-6, 9)։ Ան կը դատապարտէ ամէն տեսակ սեռային անբարոյութիւն (Ա. Կոր. 6։9, 10)։ Ան նոյնիսկ հագուելակերպի եւ յարդարանքի նկատմամբ կու տայ սկզբունքներ, որոնք իր ժողովուրդը ուրիշներէ տարբեր կը դարձնեն (Բ. Օր. 22։5. Ա. Տիմ. 2։9, 10)։

Այսօր շատեր Եհովային չափանիշները կը մերժեն (Հռով. 1։18-32)։ Անոնք կը ձգեն որ մեծամասնութեան կարծիքը ազդէ իրենց հագուելակերպին ու յարդարանքին եւ վարքին վրայ։ Շատեր իրենց լուրջ յանցանքները կը ցուցադրեն եւ ուրիշները կը քննադատեն տարբեր չափանիշ ունենալնուն համար (Ա. Պետ. 4։3, 4)։

Որպէս Եհովայի վկաներ պէտք է որ քաջութեամբ բարձր պահենք մեր Աստուծոյն չափանիշները (Հռով. 12։9)։ Ինչպէ՞ս։ Պէտք է մարդոց փափկանկատօրէն գիտցնենք թէ իրեն համար ինչն է ընդունելին։ Բայց մենք ալ պէտք է որ մեր կեանքին մէջ բարոյական բարձր չափանիշ պահպանենք։ Օրինակ, երբ կ’ընտրենք մեր հագուելակերպն ու յարդարանքը, կրնանք մենք մեզ հարցնել. ‘Ընտրութիւններս Եհովայի՞ն չափանիշները ցոյց կու տան թէ ոչ աշխարհին։ Հագուելակերպս եւ յարդարանքս ցոյց կու տա՞ն որ աստուածավախ քրիստոնեայ մըն եմ’։ Կամ երբ յայտագիր մը կամ ֆիլմ մը պիտի դիտենք, կրնանք մենք մեզի հարցնել. ‘Եհովան կ’ուզէ՞ որ այս յայտագիրը դիտեմ։ Անիկա որո՞ւն բարոյական չափանիշները յառաջ կը մղէ։ Ժամանցի ընտրութիւնս կրնա՞յ բարոյական պաշտպանութիւնս տկարացնել (Սաղ. 101։3)։ Անիկա կրնա՞յ ընտանիքիս անդամները կամ ուրիշները գայթակղեցնել’ (Ա. Կոր. 10։31-33)։

Ինչո՞ւ շատ կարեւոր է որ Եհովային բարոյական չափանիշները վեր բռնենք։ Մօտ ատենէն Յիսուս Քրիստոս ազգերը պիտի բնաջնջէ եւ ամէն չարութիւն մէջտեղէն վերցնէ (Եզեկ. 9։4-7)։ Միայն անոնք՝ որոնք Աստուծոյ կամքը կը կատարեն պիտի չմեռնին (Ա. Յովհ. 2։15-17)։ Ուրեմն թող Եհովային չափանիշները բարձր պահենք, որպէսզի ամէն ո՛վ որ մեր լաւ վարքը տեսնէ Աստուած փառաւորէ (Ա. Պետ. 2։11, 12)։

ԴԻՏԷ ՄԷԿ ՏՂԱՄԱՐԴ, ՄԷԿ ԿԻՆ ՎԻՏԷՈՆ ԵՒ ՅԵՏՈՅ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.

• Ինչո՞ւ իմաստութիւն է Եհովային չափանիշներուն համաձայն ապրիլ։

• Ինչո՞ւ ծնողներ պէտք է սկսին իրենց զաւակներուն կանուխ տարիքէն սորվեցնել Եհովային բարոյական չափանիշներուն մասին։

• Ինչպէ՞ս թէ՛ պզտիկները եւ թէ մեծերը կրնան մարդոց օգնել որ Աստուծոյ բարութենէն օգտուին։