Անձնական ուսումնասիրութիւնդ արդիւնաբեր դարձուր

ԻՆՉՈ՛Ւ ԿԱՐԵՒՈՐ Է։ Աստուծոյ Խօսքը անձամբ սերտելը մեզի կ’օգնէ, որ հասկնանք ճշմարտութեան «լայնութիւնը ու երկայնութիւնը եւ խորութիւնը ու բարձրութիւնը» (Եփ. 3։18)։ Ատիկա նաեւ մեզի կ’օգնէ, որ այս չար աշխարհին մէջ «անբիծ» եւ «առանց մեղադրանքի» մնանք եւ ‘կենաց խօսքը ամուր բռնենք’ (Փլպ. 2։15, 16)։ Անձնական ուսումնասիրութեան մէջ կրնանք մեզի պէտք եղած նիւթերը զատել։ Ի՞նչ կրնանք ընել, որ կարելի եղածին չափ շատ օգտուինք այն ժամանակէն, որ կը տրամադրենք Աստուծոյ Խօսքը կարդալու եւ սերտելու։

ԻՆՉՊԷ՛Ս ԸՆԵԼ։

• Գիծ քաշէ համարներու տակ եւ նոթեր գրէ տպուած կամ ելեկտրոնային Սուրբ Գիրքիդ մէջ։

• Մինչ Սուրբ Գիրքը կը կարդաս, դուն քեզի այս հարցումները հարցուր. ‘Ո՞վ, ի՞նչ, ե՞րբ, ո՞ւր, ինչո՞ւ, ինչպէ՞ս’։

• Իրողութիւնները հասկցիր։ Պրպտումի գործիքները գործածելով պրպտում ըրէ նիւթին կամ համարին մասին։

• Կարդացածիդ վրայ խոկայ, որ գիտնաս թէ տեղեկութիւնները ինչպէ՞ս կը կիրարկուին քեզի։

• Սորվածդ գործադրէ ամէնօրեայ կեանքիդ մէջ (Ղուկ. 6։47, 48)։

ԴԻՏԷ ԿԵՆԱՑ ԽՕՍՔԸ ‘ԱՄՈՒՐ ԲՌՆԵՑԷՔ’՝ ԱԶԴՈՒ ԱՆՁՆԱԿԱՆ ՈՒՍՈՒՄՆԱՍԻՐՈՒԹԵԱՄԲ ՎԻՏԷՈՆ ԵՒ ԵՏՔԸ ՊԱՏԱՍԽԱՆԷ ՀԵՏԵՒԵԱԼ ՀԱՐՑՈՒՄՆԵՐՈՒՆ.

• Ոմանք ի՞նչ ըսած են անձնական ուսումնասիրութեան մասին։

• Ինչո՞ւ ամէն անգամ որ անձնական ուսումնասիրութիւն պիտի ընենք, պէտք է նախ աղօթենք։

• Ի՞նչը մեզի կ’օգնէ որ Սուրբ Գիրքէն մեր կարդացածը աւելի լաւ հասկնանք։

• Ի՞նչ նշաններ կրնանք դնել մեր Սուրբ Գիրքին մէջ։

• Ինչո՞ւ պէտք է խոկանք, երբ Սուրբ Գիրքը կը սերտենք։

• Մեր սորվածները ինչպէ՞ս պէտք է գործածենք։