Ծառայութեան մէջ հմտութիւնդ բարելաւէ. Քամերային առջեւ կամ ինթերֆոնով վկայել

ԻՆՉՈ՞Ւ ԿԱՐԵՒՈՐ Է. Արհեստագիտութեան յառաջդիմելուն եւ ոճիրներուն շատնալուն պատճառով, ներկայիս շատ աւելի մարդիկ կը գործածեն ապահովութեան քամերաներ եւ ինթերֆոն։ Այս պարագային թերեւս ջիղերու վրայ կ’ըլլանք, երբ բարի լուրը կու տանք անհատի մը, որ կրնայ մեզ տեսնել, բայց մենք զինք չենք տեսներ։ Հետեւեալ յիշեցումները մեզի պիտի օգնեն, որ աւելի՛ ինքնավստահութեամբ խօսինք ինթերֆոն–ով։

ԻՆՉՊԷ՞Ս ԻՆՔՆԱՎՍՏԱՀՈՒԹԵԱՄԲ ՎԿԱՅԵԼ

• Դրական եղիր։ Ինթերֆոն ունեցող շատ մը տանտէրեր խնդիր չունին մեզի հետ խօսելու։

• Յիշէ թէ կարգ մը քամերաներ կը սկսին արձանագրել առաջ որ զանգը զարնես, եւ թէ կրնայ ըլլալ որ տանտէրը կը սկսի քեզ դիտել եւ մտիկ ընել հազիւ որ դուռին մօտենաս։

• Երբ տանտէրը պատասխանէ, այնպէս մը խօսէ որ կարծես թէ դէմ–դիմաց կը խօսիս իրեն հետ։ Ժպտէ եւ բնական վարուէ։ Ըսէ ճիշդ նոյն բանը որ պիտի ըսէիր եթէ դուռին առջեւ իր հետը խօսէիր։ Եթէ քամերա կայ, երեսդ շատ մի՛ մօտեցներ ատոր։

• Յիշէ որ նոյնիսկ երբ խօսակցութիւնը վերջանայ, տանտէրը թերեւս դեռ կը տեսնէ կամ կը լսէ քեզ։