Համարներ յիշել

Պատահա՞ծ է որ համար մը մոռցած ես։ Թերեւս համար մըն է, որ քեզ կը մխիթարէ, կամ քեզի կ’օգնէ որ սխալ մտածումներուդ հետ գլուխ ելլես, կամ ալ համար մըն է որ կ’ուզես մէկու մը բանալ (Սաղ. 119։11, 111)։ Նկատի առ կարգ մը առաջարկներ, որոնք կրնան քեզի օգնել համարներ յիշելու։

• JW Library^® էփը գործածէ։ Երբ էփին մէջ կարդաս համար մը որ կ’ուզես յիշել, կրնաս «նախասիրած համարներս» անունով բաժին մը բանալ (tag) եւ այդ համարը հոն պահել։

• Համարը աչքիդ առջեւ թող ըլլայ։ Թուղթի մը վրայ գրէ այն համարը որ կ’ուզես յիշել, եւ զայն դիր տեղ մը որ միշտ կը տեսնես։ Ոմանք զայն իրենց հայելիին վրայ կը դնեն. ուրիշներ՝ իրենց սառնարանին վրայ։ Շատեր ալ համարը կը նկարեն եւ զայն իրենց հեռաձայնին կամ համակարգիչին պաստառին նկարը կ’ընեն։

• Քարտեր շինէ եւ գործածէ։ Քարտին մէկ կողմը գրէ թէ համարը ի՛նչ կ’ըսէ, իսկ միւս կողմը՝ թէ ատիկա ուր կը գտնուի Սուրբ Գիրքին մէջ։ Ետքը, համարին բառերուն նայիր եւ փորձէ յիշել որ ատիկա ուրկէ առնուած է, կամ ալ քարտը հակառակ կողմը դարձուր եւ փորձէ յիշել որ համարը ի՛նչ կ’ըսէ։