ԱՐԹՈ՛ՒՆ ԿԵՑԷՔ
6 Միլիոն մարդ մեռաւ ՔՈՎԻՏ–19 համավարակէն. Աստուածաշունչը ի՞նչ կ’ըսէ
Առողջապահութեան համաշխարհային կազմակերպութեան (WHO) համաձայն, մինչեւ 23 մայիս 2022, ՔՈՎԻՏ–19 համավարակին պատճառով, 6,27 միլիոն անհատներ մահացան։ Բայց 5 մայիս 2022–ին հրատարակուած լուրի մը մէջ, Առողջապահութեան համաշխարհային կազմակերպութիւնը ենթադրեց, որ մահացողներուն թիւը շատ աւելի ըլլալու է։ Այս կազմակերպութիւնը ըսաւ, որ 2020–ին եւ 2021–ին «ՔՈՎԻՏ–19 համավարակէն ուղղակի կամ անուղղակի կերպով մեռնողներուն թիւը... մօտ 14,9 միլիոն էր»։ Աստուածաշունչը ի՞նչ կ’ըսէ այսպիսի ցաւալի դէպքերու մասին։
Աստուածաշունչը մարգարէացած էր մահացու համաճարակներու մասին
Յիսուս մարգարէացաւ որ «մահտարաժամներ»,– այսինքն՝ համաճարակներ կամ գէշ հիւանդութիւններ,– պիտի ըլլային «վերջին օրեր» կոչուող ժամանակաշրջանին (Ղուկաս 21։11. Բ. Տիմոթէոս 3։1)։
Յիսուսին մարգարէութիւնը այսօր կը կատարուի։ Աւելի՛ն գիտնալու համար, կարդա՛ «‘Վերջին օրեր’ուն կամ ‘վերջի ժամանակ’ին նշանը ի՞նչ է» յօդուածը։
Աստուածաշունչը կը մխիթարէ
«Մխիթարութեան Աստուածը... մեզ կը մխիթարէ մեր բոլոր նեղութիւններուն մէջ» (Բ. Կորնթացիս 1։3, 4)։
Շատեր, որոնց սիրելիները մահացան, մխիթարուեցան Աստուածաշունչին խօսքերով։ Կրնաս ասոր նկատամամբ տեղեկութիւններ առնել, կարդալով՝ «Վիշտին դիմանալ. ի՞նչ կրնաս ընել» եւ «Սգաւորներուն համար լաւագոյն օգնութիւնը» յօդուածները։
Աստուածաշունչը մնայուն լուծումը կը յայտնէ
«Քու թագաւորութիւնդ գայ. քու կամքդ ըլլայ ինչպէս երկինքը՝ նոյնպէս երկրի վրայ» (Մատթէոս 6։10)։
Մօտ օրէն «Աստուծոյ թագաւորութիւնը» պիտի ընէ բան մը, որ այլեւս երկրի վրայ ‘բնակողը չըսէ. «Հիւանդ եմ»’ (Մարկոս 1։14, 15. Եսայի 33։24)։ Դիտէ՛ Ի՞նչ է Աստուծոյ Թագաւորութիւնը վիտէոն, որ աւելի գիտնաս այս երկնային կառավարութեան եւ ատոր ընելիք բաներուն մասին։
Քեզ կը քաջալերենք, որ աւելի՛ տեղեկութիւններ առնես Աստուածաշունչէն, որ թէ՛ դուն եւ թէ ընտանիքդ օգտուիք ատոր իմաստուն խրատներէն եւ հոյակապ խոստումներէն։