Ամէն ջանքդ ըրէ որ ամէն օր Սուրբ Գիրքը կարդաս

Դժուարութիւն կ’ունենա՞ս ամէն օր Սուրբ Գիրքը կարդալու, թերեւս քանի որ ընելիք շատ բաներ ունիս (Յես. 1։8)։ Եթէ այո՛, այս բաները փորձէ.

• Հեռաձայնիդ վրայ ժամ լարէ։ Հեռաձայնիդ վրայ յիշեցում դիր, որ ամէն օր որոշ ժամ մը զարնէ՝ քեզի յիշեցնելու որ Սուրբ Գիրքը կարդաս։

• Սուրբ Գիրքը աչքիդ առջեւ ձգէ։ Եթէ տպուած Սուրբ Գիրք կը գործածես, ատիկա տեղ մը դիր որ դիւրութեամբ կրնաս տեսնել ամէն օր (Բ. Օր. 11։18)։

• Սուրբ Գիրքի ձայնագրութիւնները մտիկ ըրէ։ Մինչ առօրեայ գործերդ կ’ընես, ձայնագրութիւնները մտիկ ըրէ։ Ռահվիրայ եղող Դարա անունով մայր մը, որ իրիկունով կ’աշխատի, կ’ըսէ. «Տունը գործ աշխատած ատենս Սուրբ Գիրքի ձայնագրութիւնները մտիկ կ’ընեմ։ Ասանկով, օր մը չ’անցնիր որ Սուրբ Գիրք չեմ կարդացած»։

• Մի՛ յանձնուիր։ Եթէ անակնկալ բաներ պատահին եւ խանգարեն յայտագիրդ, գոնէ մի քանի համարներ կարդայ պառկելէ առաջ։ Նոյնիսկ այս պզտիկ ջանքը մեծ տարբերութիւն կ’ընէ (Ա. Պետ. 2։2)։