Papprogresuan i Abilidad Tam ta Ministerio—Sanayan i Bible Study ira nga Mapeggan tu Makasta nga Rutina ta Paggigiammu

Nu Ngatta Importante: Mawag tu pannuan na Bible study ira i ginnonopan anna giffutuadda tu monag ira nga tuddu na Uvovug na Dios, ari laman tu pamegafuanan ira nga tuddu tapenu mannakam ta nespirituan. (Heb. 5:12–6:1) Kawagan i pappursigi ta paggigiammu. Kasali taw i pangikumpara ta bagu ira nga informasion ta dati ngana nga ammu tam anna malippawa i praktikal ira nga importansiana. (Prov. 2:1-6) Makoffun ta bible study ira i paggigiammu nga mar-research nga meyusa i publikasiottam ira tapenu matabbag i pakkiavu ira ta Biblia. Makoffun i pangiyaplika ta nagigiammuda ta adde na ngamin nga awayyada tapenu maattamman i ziga-riga nga mepaarubang nira bilang Cristiano.—Luc. 6:47, 48.