Abụ Ọma

114 Mgbe Izrel si n’Ijipt pụọ,+

Mgbe ụlọ Jekọb sikwa n’etiti ndị na-ekwu ihe a na-adịghị aghọta aghọta pụọ,+

 2 Juda ghọrọ ebe nsọ ya,+

Izrel ghọkwara ọmarịcha ala ọ na-achị.+

 3 Oké osimiri hụrụ ya gbaa ọsọ;+

Jọdan malitere ịgbaghachi azụ.+

 4 Ugwu ukwu wụliri elu dị ka ebule,+

Ugwu nta wụlikwara elu dị ka ụmụ atụrụ.

 5 Oké osimiri, gịnị mere gị, i ji gbaa ọsọ,+

Jọdan, gịnị mere gị, i ji malite ịgbaghachi azụ?+

 6 Ugwu ukwu, gịnị mere unu, unu ji wụlie elu dị ka ebule;+

Ugwu nta, gịnị mere unu, unu ji wụlie elu dị ka ụmụ atụrụ?+

 7 Ụwa, nọrọ n’oké ihe mgbu n’ihi Onyenwe anyị,+

N’ihi Chineke Jekọb,

 8 Bụ́ onye na-eme ka oké nkume ghọọ ọdọ mmiri nke ahịhịa amị jupụtara,+

Na-emekwa ka oké nkume siri ike ghọọ isi mmiri.+