6 Anyị niile akpafuola ka atụrụ.+

Onye ọ bụla n’ime anyị gawara n’ụzọ nke ya.

Ma, Jehova emeela ka onye ahụ buru mmehie anyị niile.+

5 Jizọs zipụrụ mmadụ iri na abụọ a ma sị ha:+ “Unu abanyela n’okporo ụzọ ndị mba ọzọ, unu abanyekwala n’obodo ndị Sameria.+ 6 Kama, na-agakwurunụ atụrụ furu efu bụ́ mba Izrel.+

26 Mgbe Chineke họpụtachara Ohu ya, o bu ụzọ zitere unu ya+ ka o mee ka onye ọ bụla n’ime unu hapụ àgwà ọjọọ ya, si otú a gọzie unu.”

46 Pọl na Banabas wee gwa ha n’atụghị egwu, sị: “Ọ dị mma na unu bụ ndị mbụ a gwara okwu Chineke.+ Ma, ebe ọ bụ na unu jụrụ ya, meekwa onwe unu ndị na-erughị eru inweta ndụ ebighị ebi, anyị na-agakwuru ndị mba ọzọ.+

8 N’ihi na ana m agwa unu na Kraịst ghọrọ onye na-ejere ndị e biri úgwù ozi+ iji gosi na Chineke na-ekwu eziokwu, ka o wee gosi na nkwa niile Chineke kwere ndị nna nna ha bụ eziokwu+