Abụ Ọma
Maka onye na-eduzi abụ. Abụ Devid.
64 Chineke, biko, nụrụ olu m mgbe m na-arịọ gị arịrịọ.+
Chebe ndụ m ka m ghara ịtụ onye iro ụjọ.
2 Mee ka nkata ndị ọjọọ na-akpa na nzuzo ghara ikpudo m+
Nakwa ka ìgwè ndị ajọ omume ghara ịkpara m aka.
3 Ha na-amụ ire ha ka ọ dị nkọ ka mma agha.
Ha na-adị njikere ikwu okwu ọjọọ ka à ga-asị na ha chọrọ ịgbapụ akụ́,
4 Ka ha nọrọ n’ebe ha zoro gbaa ya onye aka ya dị ọcha.
Ha na-agba ya onye ahụ na mberede n’atụghị egwu.
5 Ha anaghị akwụsị iche echiche ọjọọ.*
Ha na-akpa otú ha ga-esi sie ọnyà.
Ha na-asị: “Ònyekwanụ ga-ahụ ọnyà ndị ahụ?”+
6 Ha na-echepụta ụzọ ọhụrụ ndị ha ga-esi na-eme ihe ọjọọ.
Ha na-eji aghụghọ agba izu wee chepụta ihe ọjọọ ha ga-eme.+
Mmadụ enweghị ike ịghọta ihe onye nke ọ bụla na-eche n’obi ya.
7 Ma Chineke ga-agba ha akụ́.+
Akụ́ ga-emerụ ha ahụ́ na mberede.
8 Ire ha ga-akpatara ha ọdachi.+
Ndị niile na-ele ha anya ga-efufe isi.
9 Egwu ga-ejidezi mmadụ niile.
Ha ga-akọsa ihe Chineke mere,
Ha ga-aghọtakwa ọrụ dị iche iche ọ na-arụ.+
10 Onye ezi omume ga-aṅụrị ọṅụ n’ihi Jehova, ọ ga-agbabakwa n’ime ya.+
Ndị niile obi ha dị ọcha ga-enwe obi ụtọ.*