Abụ Ọma
Abụ Devid.
143 Jehova, biko, nụrụ ekpere m.+
Ṅaa ntị n’arịrịọ m na-arịọ ka i nyere m aka.
Za m n’ihi na ị bụ onye ezi omume na onye e kwesịrị ịtụkwasị obi.
3 N’ihi na onye iro na-achụ m ọsọ.
Ọ zọpịala m, zọba m n’ime ala.
O meela ka m biri n’ebe gbara ọchịchịrị ka ndị nwụrụ anwụ kemgbe.
Obi adaala m mbà.+
5 Echetala m oge dị anya gara aga.
M na-atụgharị uche n’ọrụ gị niile.+
M ji obi m niile na-echebara ọrụ aka gị echiche.*
6 M gbasapụụrụ gị aka m na-ekpe ekpere.
M na-echere gị otú ala kpọrọ nkụ si eche ka mmiri zoo.+ (Sila)
7 Jehova, biko, za m ngwa ngwa.+
Ike agwụchaala m.+
8 Mee ka m nụ banyere ịhụnanya gị n’ụtụtụ,
N’ihi na m tụkwasịrị gị obi.
Mee ka m mara ụzọ m kwesịrị ịna-eso,+
N’ihi na ọ bụ gị ka m lekwasịrị anya.
9 Jehova, biko, napụta m n’aka ndị iro m.
M gbakwutere gị ka i chebe m.+
Mmụọ nsọ gị dị mma.
Ka ọ na-edu m n’ebe a na-enweghị ihe ọjọọ ga-eme m.*
11 Jehova, biko, dowe m ndụ n’ihi aha gị.