Ebe Ili Ozu Pụrụ Iche

SITE N’AKA ONYE NTA AKỤKỌ TETA! N’ECUADOR

N’OBODO Ibarra, dị n’ebe ugwu isi obodo Ecuador, bụ́ Quito, e nwere otu ebe ili ozu pụrụ iche—el cementerio de los pobres (Ebe Ili Ozu nke Ndị Ogbenye). Gịnị mere ya ọpụrụiche? Ihe osise ndị e sere ná mgbidi dị n’ihu ya bụ ihe osise ndị e mere ka ha buo ibu, bụ́ ndị e nwetara kpọmkwem n’akwụkwọ ndị Watch Tower Society bipụtara!a Ihe osisi dị n’etiti na-egosi Jọn onyeozi, nke e nwetara na peji nke 7 nke akwụkwọ bụ́ Mkpughe—Mmezu Ya Dị Ebube Dị Nso! N’elu Jọn, e dere n’asụsụ Spanish, okwu bụ́: “Alaeze Chineke pụtara ezi omume na udo na ọṅụ. Ndị Rom 14:17.” N’aka ekpe e dere okwu ndị ahụ dị na Matiu 11:28: “Bịakwutenụ m, unu nile ndị nọ na-adọlị ma bụrụ ndị e boro ibu dị arọ, m ga-emekwa ka unu nwee ume ọhụrụ,” bụ́ nke e nwetara na New World Translation. Ihe ịrụ ụka adịghị ya na mgbidi nke ebe ili ozu a na-arụ ọrụ iduzi ndị mmadụ gaa n’Okwu Chineke.

[Ihe ndị e dere n’ala ala peeji]