Igbe Ajụjụ

◼ È kwesịrị ịkụ aka mgbe a mara ọkwa nnabataghachi n’ọgbakọ?

N’ezi ịhụnanya ya, Jehova Chineke emewo ka e nwee ụzọ Akwụkwọ Nsọ kwadoro maka ndị mere ihe ọjọọ nwere nchegharị inweghachi ihu ọma ya ma bụrụ ndị a nabataghachiri n’ọgbakọ ndị Kraịst. (Abụ Ọma 51:12, 17) Mgbe nke a mere, a na-agba anyị ume imesi ndị dị otú ahụ nwere ezi nchegharị obi ike banyere ịhụnanya anyị nwere n’ebe ha nọ.—2 Kọr. 2:6-8.

Ọ bụrụgodị na ọ dị otú ahụ, n’agbanyeghị ókè anyị nweruru obi ụtọ mgbe a nabataghachiri onye ikwu ma ọ bụ enyi anyị, e kwesịrị iji nkwanye ùgwù nọrọ jụụ mgbe a mara ọkwa nnabataghachi a nabataghachiri onye ahụ n’ọgbakọ. Ụlọ Nche nke October 1, 1998, peji nke 17, si otú a kapịa okwu ọnụ: “Otú ọ dị, anyị aghaghị icheta na ihe ka ọtụtụ n’ọgbakọ amaghị kpọmkwem ọnọdụ nke dugara ná nchụpụ mmadụ ma ọ bụ ná nnabataghachi ya. Ọzọkwa, a pụrụ inwe ụfọdụ ndị ihe ọjọọ nke onye chegharịrịnụ pụrụ imetụtawo ma ọ bụ mejọọ—ikekwe ọbụna ruo ogologo oge. Ya mere, n’ịbụ ndị okwu ndị dị otú ahụ na-emetụtakarị, mgbe a mara ọkwa nnabataghachi, ọ bụ ihe kwere nghọta na anyị ga-ejighachi okwu nnabata ruo mgbe a pụrụ ime otú ahụ mgbe nanị anyị na ya nọ.”

Ọ bụ ezie na obi na-adị anyị ụtọ nke ukwuu ịhụ ka mmadụ lọtaghachiri n’eziokwu, ịkụ aka mgbe a nabataghachiri ya agaghị ekwesị ekwesị.