Ihe A Ga-ekwu Banyere Magazin Ndị A

Ụlọ Nche Sept. 1

“Olee ebe i chere anyị nwere ike isi nweta ndụmọdụ ndị ga-enyere anyị aka mgbe anyị nwere mkpebi ndị dị mkpa ime? [Chere ka ọ zaa. Gụọ Ilu 3:5, 6.] Isiokwu a mere ka o doo nnọọ anya na onye maara ihe n’anya Chineke ga-ebugodị ụzọ tụlee ihe ndị ga-esi ná mkpebi ya pụta tupu ya emee mkpebi.” Gosi ya isiokwu malitere na peeji nke 7.

Ụlọ Nche Oct. 1

“N’oge ndị a ọ na-enweghị ihe e ji n’aka, ọtụtụ ndị na-echegbu onwe ha banyere ọdịnihu. Ò nwere ihe na-eme gị ka i chee na ihe ga-aka mma? [Chere ka ọ zaa.] Legodị nkwa a dị na Baịbụl. [Gụọ Aịzaya 65:17.] Magazin a kwuru ezi ihe ndị mere anyị kwesịrị iji kwere na ihe ga-aka mma n’ọdịnihu.”

Teta! July–Sept.

“Ọtụtụ ndị na-eto eto na-enwe ọtụtụ nsogbu ndị siri ike. Ị̀ maara ihe mere o ji dị otú ahụ? [Chere ka ọ zaa. Gụzie 2 Timoti 3:1.] Ya bụrụ na ị ma onye na-achọ igbu onwe ya iji zere nsogbu ndị siri ike ọ na-enwe kwa ụbọchị, ezi ndụmọdụ ndị dị na magazin a nwere nnọọ ike inyere ya aka ịgbanwe echiche ya.” Gosi ya isiokwu nke malitere na peeji nke 16.

“N’isiokwu Baịbụl ndị a m ga-egosi gị, olee nke ọ ga-amasị gị ịmatakwu nke ọma? [Mepee peeji nke 24 ma gosi ya isiokwu Baịbụl ụfọdụ dị n’ebe ahụ.] Chineke ọ̀ dị adị? Olee otú m nwere ike isi mata okpukpe nke bụ́ ezi okpukpe? Gịnị bụ Alaeze Chineke, oleekwa otú m nwere ike isi gosi mmadụ na ọ dị adị? [Chere ka ọ zaa. Gụzie 2 Timoti 3:16.] Ọ bụrụ na ị gụchaa isiokwu a, ị ga-ahụ na ịmụ Baịbụl na ịtụgharị uche n’ihe ị na-amụ nwere ike ime ka ị mata ọtụtụ ihe ndị ị na-amabughị.”